«Мэ дэм лэнди тэ ӷанэн, сар тут ақарэн»

«Мэ росԥэндэм важ тиро алав лэ манушэнди, савэн ту дян манди анда миро. [...] Мэ дэм лэнди тэ ӷанэн, сар тут ақарэн и инке дава тэ ӷанэн» (ИОАННА 17:6, 26).

Со када сыкавэл. О Иисусо дэлас тэ ӷанэн лэ Дэвлэско алав, кала росԥэнэнас пала лэстэ андэ служэния. Кала о Иисусо адинояс и Свынто Писания, ай во када терэлас часто, во ԥэнэнас лэ Дэвлэско алав (Луки 4:16—21). Во сытярэлас пэстирэ учениконэн тэ мангэнпэ: «Дад, мэк тиро алав авэл свынто» (Луки 11:2).

Сар терэнас и пэрви христианоря. О апостоло Пётро ԥэндя лэ старейшынонэнди андо Иерусалимо, кай о Дэл стидя лэ манушэн анда разни нацыи «важ пэско алав» (Деяния 15:14). И апостолоря и авэр христианоря росԥэнэнас, кай «кажно, ко ақарэл лэ Иеговас па алавэстэ, спасыяпэ» (Деяния 2:21; Римлянам 10:13). Кадяжэ вонэ использовали лэ Дэвлэско алав андэ пэстирэ письморя. Андэ иудейско сборнико законав, саво сас стидо андо 3 вико лэ И. Х., сас пистромэ, со тэ терэн если и христиански писания лэна тэ ԥабон: «И Евангелия и книӷи, савэ пренадлежын ми́нам [возможно, лэ христианонэнди анда евреёря], на спасын ла ягатар, но ашавэн тэ ԥабон вмести лэ Дэвлэстирэ алавэса, саво исин андэр лэндэ».

Ко терэл адес кадя? Каринг ек библейско переводо, саво сас одобрено кай о Национальныо совето андэ лэ Христостирэ қандиря андэ США, пистромэ: «Парашэлэ тэ ԥэнэн о алав, саво исин кати кай о единственно Дэл, важ кода кай ԥэнэса исин авэр дэвла, савэндар лэс трэбуй отличать. Кадэва алав парашэлэ тэ ԥэнэн андо иудаизмо, сар инке на сас о христианство и кадэва алав совсем на приашэл важ вселенско вера кай и Христианско Қандири» (Revised Standard Version). Важ када лэ Дэвлэско алав парудэ по титуло «Господь». Ай най дэлмут сас указания важ и рашая андо Ватикано, котэ ԥэнэнаспэ: «Андэ диля и молитвы лэ Дэвлэско алав сар тетраграмматоно ЙХВХ a нащи тэ используют или тэ ԥэнэн».

Ко андэ амарэ деса использует и ԥэнэн лэ Дэвлэско алав? Кала о Серёжа сас подростко и жувэлас андэ Киргизия, во диқля фильмо, андо саво ԥэнэнас лэ Дэвлэско алав, Иегова. Посли када варикай 10 бэрш во на ашунэнас лэ Дэвлэско алав. Потом о Серёжа пэрэлагля андэ США, котэ лэсти авелэ лэ Иеговастирэ свидетеля и сыкадэ лэсти лэ Дэвлэско алав андэ Библия. Во сас фартэ радо, кай арақля манушэн, савэ ԥэнэн лэ Дэвлэско алав, Иегова. Интересно, кай андо «Трито издания нэво международно словарё Уэбстера» андэ статья «Иегова Дэл» акэ со пистромэ пала кадэва алав: «Верховно божэство, саво прижанэн, и единственно божэство, савэсти тэлён лэ Иеговастирэ свидетеля».

[Сноска]