«И душа, сави терэл бэзэх, кала мэрэл точно попэрэла андо адо, кай вой лэла фартэ тэ мучийпэ андэ „вечно яг“» (Катехизис католическо қандири). Дэсавэ рашая сытярэн, кай адо, када кала о мануш полностью удалёно лэ Дэвлэстар и о мануш авэла вечно дур лэстар.

«О мануш, саво терэл бэзэх, мэрэла» (Иезекииль 18:4). «Кодэла, ко мулинэ, нисо на ӷанэн» (Экклезиаст 9:5). Если и душа мэрэл и вой без сознания, тоди сар вой можэт тэ мучийпэ андэ «вечно яг» или тэ мучийпэ, кай вой вечно дур лэ Дэвлэстар?

Древнееврейско и древнеӷреческо алав, саво часто андэ Библия пэрэандярдёл сар «адо», па чачимастэ сыкавэл о гиндо пала общё моӷила. Например, кала о Иово мучияспэ лэ ԥарэ насвалимастар, во мангэласпэ: «Сар мэ камлоп, кай ту тэ загаравэс ман андэ моӷила [«андо адо»]» (Иов 14:13). О Иово камэлас, кай лэстэ тэ авэл покоё най андэ кодэва ҭан, кай мучинпэ или кай удалёно лэ Дэвлэстар, ай андэ моӷила.

И жэстокость никас на пашарэл, ай наоборот кати дурярэл. И Ро́сия анда Мексика ԥэнэн: «С децтва манди росԥэнэнас пала адо. Мэ фартэ даравас и дажэ прецтавить нэ моӷла, кай о Дэл можэт хоть варисо лашо тэ терэл. Мэ гиндосаравас, кай во холинако и жэстоко».

И библейски стихоря драго обисняют пала лэ Дэвлэстирэ сындоря, и пала кода, со терэлпэ лэ мулэнца. И через када и Ро́сия парудя пэско гиндо пала Дэл. Вой ԥэнэн: «Мэ чуствовала, кай мандэ ԥэнэса пэля бар па ди. Мэ полэм, кай о Дэл камэл важ амэндэ ек о лашымос, кай во любий амэн и кай мэ моӷу тэ любисарав лэс. Во сар заботливо дад, саво лэл пэстирэ бэятонэн вастэстар и фэрий» (Исаия 41:13).

Бут мануша старыинпэ тэ ԥирэн андэ қандири, важ кода кай даран тэ на попэрэн андо адо. Но о Дэл на камэл, кай амэ тэ полас лэс через и дар. О Иисусо ԥэнэнас: «Любисар пэстирэ Дэвлэс лэ Иеговас» (Марка 12:29, 30). Инке, если амэ полас, кай о Дэл справедливо, амэнди авэла май вушэро тэ патяс, кай во сар сындомари англэ прилэла правильни ришэнии. Сар о Елиую, лэ Иовоско друӷо, амэ можэм точно тэ ԥэнас: «Нэ можэт о чачуно Дэл тэ терэл о найлашымос и о Всемоӷущё тэ обжалпэ нэсправедливо» (Иов 34:10).