Сас тутэ кацаво, кай спэрва тути камэласпэ тэ адинос и Библия, но кацавэ гиндоря на домэкэнас? Бут мануша гиндон, кай тэ адинон и Библия фартэ ԥарэс. Ай если б ту уӷанглоп, кай и Библия можэт тэ стерэл тири жызня май лащи и кай ту тэ авэс май бахтало? И кай тэ адинос и Библия можэт тэ авэл фартэ интересно? Камэс тэ уӷанэс, со можэт тэ дэл тути и Библия?

Акэ со ԥэнэн дэсавэ мануша, савэ полинэ, кай и Библия можэт тэ стерэл и жызня май лащи.

О Езекилё, савэсти май бут чем 20 бэрш, ԥэнэн: «Раньшэ мэ сымас, сар водителё, саво на ӷанэн каринг ладэл. Но и Библия поможысардя манди тэ полав, каринг со тэ цырдавпэ и сости мэ жував. Андэр латэ исин лашэ советоря пэ кажно дес».

Ек тэрни манушни, савя ақарэн Фрида, ԥэнэн: «Мэ фартэ ӥто вижавас андар пэстэ. Но через и Библия мэ сытелэм тэ ритярав пэс андэ вас. Манди ашэля май вушэро тэ ладисарав аврэнца, и акана мандэ исин май бут друӷоря».

Ай и Евника, савяти май бут чем 50 бэрш, ԥэнэн: «И Библия поможысардя манди тэ парував пэско характеро и тэ ашавав и найлашэ привычки».

И Библия дя помощь кадэлэнди и инке бутэ манушэнди, савэ ла адинон, тэ ашэн па чачимастэ бахталэ. Вой можэт тэ дэл помощь и тути (Исаия 48:17, 18). Вой поможыя тэ прилэс годявэрнэ ришэнии, тэ виарақэс лашэ друӷонэн, тэ улэс пэрэжывании, и со инке май важно, тэ уӷанэс о чачимос пала Дэл. И советоря, савэ андэр латэ пистромэ, жан лэ Дэвлэстар и ту никала нэ пожалееш, кай прилян лэн. О Дэл нэ можэт тэ дэл кацаво совето, саво стерэла амэнди вэрыто.

Трэбуй просто тэ лэс тэ адинос. Со тути андэ када поможыя? И сар тэ стерэс, кай тэ авэл интересно тэ адинос и Библия?