ӶЛАВА 8

Сар тэ арақэс лашэ друӷонэн?

Кала мэ холинатири, манди трэбуй варикаса тэ подав дума. Кала мандэ проблемы, камэлпэ, кай варико тэ ԥэнэн: «Вся авэла драго». Ай кала мэ радосавав, мэ сразу жэ камав тэ росԥэнав пала пэсти радость варикасти. Дажэ прецтавить нэ моӷу мэрни жызня би друӷонэнго! Бриттани

ЛЭ БЭЯТОНЭНДИ трэбуй просто варикаса тэ цэлэнпэ, ай лэ взрослонэ манушэнди трэбуй друӷоря. Андэр со катэ разница?

Каса ту цэлэспэ — када мануш, савэса ту просто проандярэс и время.

Друӷо — када мануш, савэсти куч кода жэ, со и тути.

Инке андэ Библия пистромэ, кай «чачуно друӷо любий вся и время, во ԥрал, пэ саво можно тэ надеиспэ андэ бида» (Притчи 17:17). Катэ, канешно, дума жал пала май серьёзни ситуацыи, чем кала цыкнэ бэяцэ цэлэнпэ андэ писко.

Трэбуй тэ ӷанэс. Сар ту ашэса май взросло, тути авэна трэбуй друӷоря, савэ:

1) лашэ мануша и лэндэ исин лашэ качестворя;

2) андярэн вужи лащи жызня англа Дэл;

3) влияют пэр тутэ драго.

Вопросо. Кай тэ виарақэс имено кацавэ друӷонэн? Давай уӷанаса.

Пэрво, со трэбуй важ и дружба — када лашэ качестворя

Со тути трэбуй тэ ӷанэс. Най кажно, ко ԥэнэн тути, кай во тиро друӷо па чачимастэ кацаво. Андэ Библия дажэ ԥэнэнпэ, кай «исин друӷоря, савэ ӷотови тэ умарэн ек еқэс» (Притчи 18:24). Гиндос, кай кадя нэ бывает? Но дажэ тутэ можэт сас кацаво, кай ту гиндосарэсас, кай мануш тути друӷо, ай во просто лэлас тутар важ пэстэ варисави выӷода или розындярэлас сплетни пала думэ. Посли кацаво фартэ ԥарэс тэ доверяеш лэ манушэсти упалэ a. Запомни важно гиндо — лэ друӷонэн фэдэр тэ авэл май мало, но зато вонэ тэ авэн чачунэ.

Со можно тэ стерэс. Витидэ тэ дружыс кацавэ манушэнца, савэндэ исин качестворя, савэнди ту камлоп тэ сытёс.

«Пала мэрни подружка Фиона ԥэнэн ек о лашымос! Мэ бы камлоп, кай и пала мандэ кадя дэнас дума. Мэ кадя радо, кай вой мэрни подружка» (Иветт, 17 лет).

Стер када.

1. Проадиносар Галатам 5:22, 23.

2. Пуш пэстар: «Кай мэрнэ друӷоря исин кацавэ качестворя?»

3. Пистросар кардэ тирэ пашутнэ друӷонэн. И паша кажно алав пистросар ӷлавно качество, саво лэстэ чи латэ исин.

Алав

․․․

Качество

․․․

Шув сама. Если ту сэрэс кати найлашэ качестворя кай о мануш, тоди можэт тути ужэ трэбуй тэ родэс пэсти аврэ друӷонэн?

Дуйто, со трэбуй важ и дружба — тирэ друӷоря андярэн вужи и лащи жызня англа Дэл

Со тути трэбуй тэ ӷанэс. Если ту долӷо нэ можэш тэ виарақэс пэсти друӷонэн, тоди можэт тэ появийпэ кацави опасность, кай ту лэса тэ дружыс най кодэлэ манушэнца. Андэ Библия пистромэ: «Ко ԥирэл кодэлэнца, ко мудро, ашэла мудро, ай ко сԥандёлпэ найгодявэрнэнца, попэрэла андэ бида» (Притчи 13:20). Алав «найгодявэрнэ» катэ пистромэ най пала мануша, савэ слаби по шэро или найдраго сытён. Катэ дума жал пала кодэла, ко на приашундёнпэ каринг годявэрнэ алава или ко андярэл билажаварди жызня. Сар ԥэндя ек мануш: «Фэдэр тэ авэс екжэно, чем тэ общяешся лишь бы варикаса».

Со можно тэ стерэс. Вместо кода, кай тэ дружыс кажнонэса, ко камэл туса тэ общяеца, ав годявэрно и спэрва придиқпэ каринг мануш (Псалом 26:4). Када на сыкавэл, кай тути на трэбуй тэ довряеш лэ манушэнди. Но годявэрно мануш додиқэла и разница «андэр со на шонпэ, ко кандэн лэ Дэвлэс и ко на кандэн, ко служын лэ Дэвлэсти, ай ко най» (Малахия 3:18).

«Мэ блаӷодарно лэ родителёнэнди, кай вонэ помоӷли манди тэ виарақав лэ друӷонэн машкар мэрнэ ровэсникоря, савэ анда ди полэн лэ Дэвлэс» (Кристоферо, 13 лет).

Дэ атветоря пэ вопросоря:

Пэрэжываю мэ, кай друӷоря зацырдэна ман па найлашо дром?

❏ Да

❏ Най

На росԥэнав мэ лэ родителёнэнди ко мэрнэ друӷоря, кати важ кода кай дарав, кай лэнди вонэ на чалёна?

❏ Да

❏ Най

Шув сама. Если ту атветил «да» пэ кадэла вопросоря, тоди фэдэр родэ друӷонэн машкар кодэла, ко андярэл май лащи и май вужи жызня англа Дэл — пала кастэ драго дэн дума андэ собрания.

Трито, со трэбуй важ и дружба — тирэ друӷоря трэбуй драго тэ влияют пэр тутэ

Со тути трэбуй тэ ӷанэс. Андэ Библия пистромэ: «И найлащи общения римой о лашымос, савэсти сытелэ» (1 Коринфянам 15:33). Ек тэрни ракли Лорен ԥэнэн: «Мэ полавас, кай однокласникоря лэна манца тэ дружын, кати если мэ ашавапэ сар вонэ. Но манди сас кадя ӷрусно, кай мэ ришыла тэ авав сар вонэ, кай вонэ тэ прилэн ман андо пэско круӷо». Потом Лорен поля, кай кала андэ вся подстраиваешся тала мануша, потом вонэ ужэ просто управляют туса, кай ту тэ терэс кати кода, со лэнди трэбуй. Хэба ту достойно, кай туса кадя тэ обжанпэ?

Со можно тэ стерэс. Параш тэ дружыс кодэлэнца, ко заставий тут тэ терэс вся, сар вонэ камэн. Можэт посли када тутэ авэна най кадя бут друӷоря, но зато ту лэса май фартэ тэ уважаеш пэс и тутэ вижала тэ виарақэс чачунэ друӷонэн, савэ лэна драго влиять пэр тутэ (Римлянам 12:2).

«Мэрно друӷо Клинто годявэрно и драго полэл, со по ди аврэндэ. Во всегда ман подритярэл» (Джейсон, 21 ӷод).

Пуш пэстар.

Лэм мэ нэправильно тэ утидавпэ, нэправильно тэ дав дума аврэнца и тэ андярав пэс найдраго, важ кода кай камав тэ уӷодисарав мэрнэ друӷонэнди?

❏ Да

❏ Най

Сас кацаво, кай мэ просто за компанию лэм тэ ԥирав андэ сомнительни ҭана, кордэ, каринг раньшэ никала на зажылоп?

❏ Да

❏ Най

Шув сама. Если ту ԥэндя «да» пэ кадэла вопросоря, тоди подэ дума лэ родителёнэнца или аврэ взрослонэ манушэса. Если ту лэ Иеговаско свидетелё, тоди ту можэш тэ мангэс помощь кай старейшына, кай во тэ поможый тути тэ виарақэс лашэ друӷонэн, савэ драго влияли бы пэр тутэ.

ПАЛА КАДА КАДЯЖЭ ПИСТРОМЭ АНДО 2 ТОМО, ӶЛАВА 9

АНДЭ СЛЕДУЩЁ ӶЛАВА

Со тэ терэс, если тиро ди или тирэ друӷоря подмарэн тут тэ стерэс варисо нэправильно? Уӷан, со ту можэш тэ стерэс, кай тэ на подэспэ кадэлэсти!

[Сноска]

ӶЛАВНО СТИХО АНДА БИБЛИЯ

“Исин друӷо, саво май пашэ, чем о ԥрал”. Притчи 18:24

СОВЕТО

Ритярдюв лэ лашимасти и андяр вужи жызня англа Дэл, тоди каринг тутэ лэна тэ цырдэнпэ кацавэ жэ мануша. Кадя ту виарақэса со май лашэ друӷонэн!

АЙ ТУ ӶАНЭС...

О Дэл на шол сама пэ нацыя, но во всаек диқэл, кала прилэл ришэния, «ко можэт тэ авэл ӷостё» андэ лэстири катуна (Псалом 15:1—5).

СО МЭ КАМАВ ТЭ СТЕРАВ!

Кай тэ виарақав лашэ друӷонэн, мэ... ․․․․․

Мануша, кас мэ камав май драго тэ уӷанав (анда кодэла, ко бэрэдэр мандар): ․․․․․

Со мэ камав тэ пушав кай о дад и дэй... ․․․․․

САР ПА ТИРЯТЭ?

● Савэ качестворя важ тутэ важно, кай тэ авэн андэ друӷоря и васо?

● Савэ качестворя тутэ трэбуй тэ авэн, кай ту тэ авэс лашо друӷо?

[Вставка]

Кала и родителя подԥэнэнас манди тэ ритярдював май дур дэсавэ мэрнэ друӷонэндар, мэ лэн на ашунавас. Манди здэласпэ, кай май лашэ друӷонэн нинай. Но потом мэ полэм, кай и родителя сас прави. И сар кати мэ полэм када, мэ додиқлэм паша мандэ бутэ лашэ манушэн, савэнца моӷу тэ дружысарав ’’ Коуло

[Рамка]

Ту можэш тэ стерэс акэ со

Подэ дума лэ дадэса и ла даса. Пуш лэндар, савэ лэндэ сас друӷоря. Сас лэндэ кацаво, кай вонэ фартэ дружынас варикаса, ай потом пожалели пала када и васо? Манг, кай вонэ тэ росԥэнэн, сости вонэ сытелэ андэ кодэя ситуацыя, кай и ту тэ сытёс па лэндирэ ошыбки.

Познакомь пэстирэ друӷонэн лэ родителёнэнца. Если ту на камэс када, тоди погиндосар, ай васо ту када на камэс? Можэт ту дарас, кай лэ родителёнэнди тирэ друӷоря на чалёна. Тоди тути трэбуй тэ авэс май внимательно, кала витидэс пэсти друӷонэн.

Драго виашун лэ манушэс. Анда ди шув сама, со по ди кай о друӷо, со лэсти интересно андэ жызня (Филиппийцам 2:4).

Трэбуй тэ ӷанэс тэ простис. На аштяр, кай тиро друӷо на стерэла ни ек ошыбка. «Амэ всаворэ часто ошыбаемся» (Иакова 3:2).

Дэ тирэ друӷости свобода. На гиндосар, кай тиро друӷо трэбуй тэ общяеца и тэ проандярэл время кати туса. Кала авэла трэбуй помощь, чачунэ друӷоря всегда авэна пашэ (Экклезиаст 4:9, 10).

[Картинка]

Кала ту вся терэс, кай тэ уӷодис аврэнди, тоди ужэ вонэ лэна тэ управляют туса, кай тэ терэс кати кода, со кати вонэ камэн