1 ӶЛАВА

Сар и Библия поможый, кай тири жызня тэ авэл инке май лащи?

ВОСПРОИЗВЕСТИ

Бут мануша ужэ виарақлэ атветоря пэ пэстирэ вопросоря андэ Библия. Вонэ уӷанглэ пала кода, со авэла англэ, васо исин о ԥаримос и смэрть и васо о мануш жувэл. Котэ кадяжэ исин советоря, сар тэ затерэн, и со вонэ моӷут тэ стерэн, кай о ери тэ авэл инке май бахтало. Сар ту гиндос, можэт и Библия тэ поможый лэ манушэнди?

1. Со ту можэш тэ уӷанэс анда Библия?

Анда Библия ту уӷанэса, катар ляпэ и жызня, васо о мануш жувэл, васо кай и лашэ мануша бут ԥаримос, и со терэлпэ манушэса посли смэрть. Если всаворэ мануша камэн, кай тэ авэл мирно, тоди васо жан и войны, терэнпэ и биды. Инке анда Библия уӷанэса, со авэла англэ. И милионоря мануша ужэ уӷанглэ пала када анда Библия.

2. Сар кода, со пистромэ андэ Библия, можэт тэ поможый тути?

Андэ Библия пистромэ, кай «всаворэ алава андэ Писания [кода, со пистромэ андэ Библия]» анэн лашимос (2 Тимофею 3:16). Анда Библия ту можэш тэ уӷанэс, со тэ терэс, кай о ери тэ авэл инке май бахтало и со тэ терэс, кала тутэ андэ жызня ԥаримос. Кадяжэ уӷанэса, со тэ терэс, кай и бути тэ анэн тути радость. Анда кадэя книжка ту уӷанэса, андэр со и Библия инке можэт тути тэ поможый.

Адиносар и стихоря, савэ пистромэ андэ кажно ӷлава, важ кода кай кадэя книжка най и Библия. И сыстосар лэн кодэлэса, со ту уӷанглян.

УӶАНАМ МАЙ БУТ

Анда кадэя ӷлава амэ инке уӷанаса, сар и Библия поможысардя разнонэ манушэнди. Уӷанам, со тэ терас, кай тэ чалёл тэ адиносарас и Библия и васо амэнди варико трэбуй тэ поможый, кай тэ полас ла.

3. И Библия поможый амэнди тэ жас па лашо дром андэ жызня

И Библия, када, сар о свето андэ рят. Кода, со запистромэ андэр латэ, андярэл па лашо дром. Вой поможый амэнди тэ витидас кода, со годявэрнэс. Вой кадяжэ сыкавэл, со авэла англэ.

Адиносарам Псалом 119:105 и подам дума пала кацавэ вопросоря.

Со гиндояс пала лэ Дэвлэстирэ алава кодэва, ко пистросардя о Псалом?
Со ту гиндос пала Библия?

4. Андэ Библия исин атветоря пэ амарэ вопросоря

Ек жувли виарақля андэ Библия атветоря пэ пэстирэ вопросоря, савэ сас латэ инке дэлмут. Диқам о ВИДЕО и подам дума пала кадэла вопросоря.

ВИДЕО: «На парашэн тэ патян андо лашимос!» (1:48)

Со камля тэ уӷанэн и жувли, сави андо видео?
Сар лати поможысардя, кай вой ля май бут тэ уӷанэн анда Библия?

Андэ Библия пистромэ, кай драго, кала о мануш камэл май бут тэ уӷанэн. Адиносарам Матфея 7:7 и подам дума пала када.

Со ту камэс тэ уӷанэс анда Библия?

5. Манушэнди чалёл тэ адинон и Библия

Бутэ манушэнди чалёл тэ адинон и Библия и вонэ виарақэн бут лашимос андэр латэ. Диқам о ВИДЕО и подам дума пала кадэла вопросоря.

ВИДЕО: «Адинон и Библия» (2:05)

Со и тэрнэ мануша анда видео ԥэнэн пала кода, кай варисо тэ адинон?
Васо лэнди чалёл тэ адинон и Библия?

Андэ Библия запистромэ лашэ алава, савэ дэн зор и пала лашимос, саво авэла англэ. Адиносарам Римлянам 15:4 и подам дума пала кадэва вопросо.

Камэс ту тэ уӷанэс, сар кодэлэстар, со пистромэ андэ Библия, тутэ можэт тэ авэл май бут зор и англэ о лашимос?

6. Тути моӷут тэ поможын, кай май драго тэ уӷанэс и Библия

Бут ко ԥэнэн, кай хутила и екжэно тэ адинос и Библия, но авелоп май драго тэ адинос ла кодэлэнца, ко ла ӷанэн. Адиносарам Деяния 8:26—31 и подам дума пала кадэва вопросо.

Со поможыя тути май драго тэ уӷанэс и Библия? (Диқэн о стихо 30 и 31.)

О эфиопско баро мануш камэлас тэ полэл и Свынто Писания, и важ када лэсти варико трэбуй сас тэ поможый. Адес кадяжэ бут мануша камэн, кай лэнди варико тэ поможый тэ полэн и Библия

ТУТИ ВАРИКО МОЖЭТ ТЭ ԤЭНЭН: «Тути со, най со тэ терэс, кроме сар тэ адинос и Библия?».

Со ту ԥэндоп пэ кадэла лэстирэ алава? Васо ту кадя ԥэндоп?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай андэ Библия пистромэ лашэ советоря важ и жызня. Инке андэр латэ исин атветоря пэ кода, со пушэн и мануша, ай кадяжэ и алава, савэ дэн зор и пала лашимос, саво авэла англэ.