13 ӶЛАВА
Сар найчачунэ веры лажаварэн лэ Дэвлэс?
Если о Дэл исин любовь, тоди васо и разни веры, савэ ԥэнэн, кай вонэ лэ Дэвлэстар, терэн бут найлашимос и лэндар жан и биды? Важ кода кай вонэ хохавнэ и ԥэнэн найчачимос пала Дэл. Сар вонэ када терэн? Сар диқэл пэ када о Дэл? И со во важ када стерэла?
1. Сар и найчачунэ веры лажаварэн лэ Дэвлэс через кода, сар вонэ сытярэн?
И хохавнэ веры «парудэ о чачимос важ о Дэл по хохаимос» (Римлянам 1:25). Андэ Библия пистромэ, трэбуй тэ ақарас лэ Дэвлэс па алавэстэ (Римлянам 10:13, 14). Но бут веры сытярэн лэ манушэн, кай лэ Дэвлэстэ нинай алав. Сар варикастэ тердяпэ варисави бида и рашая ԥэнэн, када лэ Дэвлэстар. Када хохаимос, важ кода кай андэ Библия пистромэ, кай о Дэл нэ можэт тэ терэл о найлашимос. (Адиносар Иакова 1:13.) Через кацаво хохаимос и мануша одбандён лэ Дэвлэстар.
2. Сар и найчачунэ веры пэстиря диласа лажаварэн лэ Дэвлэс?
И қандиря обжанпэ лэ манушэнца най кадя, сар о Иегова. Андэ Библия пистромэ, кай «латирэ ӷрехоря стидэпэ жы каринг о нэбо» (Откровение 18:5). Всаворэ викоря и хохавнэ веры ԥэнэн, со тэ терэн лэ барэ манушэнди андэ политика и бут со терэн, кай тэ жан и войны. Сар бы тэ на авэл, и хохавнэ веры дошалэ андэ кода, кай мэрэн фартэ бут мануша. Дэсавэ рашанди чалёл тэ жувэн барвалэс и через када вонэ лэн ловэ лэ манушэндар, савэн сытярэн. Пэстиря диласа вонэ сыкавэн, кай совсем на ӷанэн лэ Дэвлэс и через када лэндэ нинай муй тэ сытярэн и тэ дэн дума лэ Дэвлэстирэ алавэстар. (Адиносар 1 Иоанна 4:8.)
3. Сар о Дэл диқэл пэ хохавнэ веры?
Лэл тут и холи, кала диқэс, со терэн и қандиря? Тоди, со тэ ԥэнас пала Иегова? Во любий лэ манушэн, но лэс фартэ лэл и холи, кала и рашая сытярэн хохаимасти и найдраго обжанпэ лэ манушэнца. Во дэл алав, кай розмарэла и хохавнэ веры и лэн никала будэр на авэла (Откровение 18:21). Ӥто о Дэл улэла всаворэ хохавнэ веры (Откровение 18:8).
УӶАНАМ МАЙ БУТ
Андэ кадэя ӷлава амэ подаса дума, сар о Дэл диқэл пэ хохавнэ веры, андэр со вонэ дошалэ, и васо через лэндэ на трэбуй тэ парашас тэ уӷанас пала Дэл.
4. Лэ Дэвлэсти чалён най всаворэ веры
Бут мануша гиндон, кай всаворэ веры, када разни дрома, савэ всаек андярэн каринг о Дэл. Но чаче када кадя? Адиносарам Матфея 7:13, 14 и подам дума пала вопросо, саво май тэлэ.
-
Саво дром, сар пистромэ андэ Библия, андярэл каринг и жызня?
Диқам о ВИДЕО и подам дума пала вопросо, саво посли видео.
-
Сытярэл и Библия кодэлэсти, кай лэ Дэвлэсти чалён всаворэ веры?
5. И хохавнэ веры на ритярэн о законо, кай тэ любин ек еқэс
И хохавнэ веры отшон лэ Дэвлэс кодэлэса, кай участвуют андэ войны. Диқам о ВИДЕО и подам дума пала вопросоря, савэ посли видео.
-
Со терэнас и рашая, кала жалас и Дуйто мирово война?
-
Со ту гиндос пала кода, со вонэ терэнас?
Адиносарам Иоанна 13:34, 35 и 17:16 и подам дума пала вопросо, саво май тэлэ.
-
Сар па тирятэ, со кай о Иегова по ди, кала во диқэл, сар жан пэ война и мануша, савэ патян андо Дэл?
-
И хохавнэ веры дошалэ андэ бут барэ биды. Росԥэн, сар и веры на ритярэн лэ Дэвлэско законо, кай трэбуй тэ любин ек еқэс.
И хохавнэ веры на ритярэн лэ Дэвлэско законо, кай трэбуй тэ любин
6. О Дэл на камэл, кай и мануша тэ авэн андэ хохавнэ веры
Адиносарам Откровение 18:4 a и подам дума пала вопросо, саво май тэлэ.
-
Со тутэ по ди, кала уӷанглян, кай о Дэл камэл тэ поможый лэ манушэнди, савэ исин андэ хохавнэ веры?
7. На параш тэ уӷанэс пала чачуно Дэл
Дошало о Дэл андэ кода, со терэн и хохавнэ веры? Погиндосарам, о шаво на кандэл пэстирэ дадэс и ужал цэрал. Во лэл тэ залэлпэ найлащя диласа и попэрэл андэ бида. Ԥэндоп ту, кай дошало о дад андэ кода, со терэл о шаво?
-
Васо найсправедливо тэ дошалярас лэ чачунэ Дэвлэс лэ Иеговас и тэ парашас тэ уӷанас пала лэстэ, через и хохавнэ веры?
ТУТИ ВАРИКО МОЖЭТ ТЭ ԤЭНЭН: «Через кода, со терэлпэ андэ веры, нисо на камав тэ ашунав пала Дэл».
-
Со ту пала када гиндос?
-
Васо через и хохавнэ веры на трэбуй тэ парувэс пэско гиндо пала Иегова?
ПАЛА СО АМЭ ДЯМ ДУМА?
Анда кадэя ӷлава амэ уӷанглям, кай и хохавнэ веры лажаварэн лэ Дэвлэс кодэлэса, сар сытярэн лэ манушэн и кай через лэндэ бут биды. О Дэл улэла и хохавнэ веры.
Сар ту гиндос?
-
Сар ту диқэс пэ кода, кай и веры хохавэн по Дэл?
-
Сар о Иегова диқэл пэ хохавнэ веры?
-
Со о Дэл стерэла лэнца?
ДИК ИНКЕ
Уӷан, сар и хохавнэ веры лажаварэн лэ Дэвлэс.
«Лэ Дэвлэсти всаек, сави тумэндэ вера? Всаворэ веры чалён лэсти?» (статья по сайто)
Васо о Иегова камэл, кай амэ тэ тэлювас лэсти лэ манушэнца, савэ лэс любин?
«Трэбуй тэ жал андэ варисави вера, кодэва, ко патял андо Дэл?» (статья по сайто)
О рашай ля тэ гиндой, ай правильно кода, андэр со во патял. Када на тердярдя лэс тэ уӷанэн о чачимос пала Дэл.
«Васо о рашай парашэля тэ служый андэ қандири?» («Прошонпэ!», журнало пала февралё важ 2015 бэрш)
Бут викоря и веры росԥэнэнас о найчачимос пала Дэл. Через када и мануша гиндонас, кай лэ Дэвлэсти всаек пэ мануша и кай во жэстоко. Уӷан пала када о чачимос анда Библия.
«Хохаимос, через саво ԥарэс тэ любис лэ Дэвлэс» («Сторожэво башня» лэ 1 ноябрёстар пала 2013 бэрш)
