22 ӶЛАВА

Сар тэ росԥэнэс аврэнди пала Библия?

ВОСПРОИЗВЕСТИ

Сар адинос и Библия, тутэ моӷут тэ авэн гиндоря, кай пала када трэбуй тэ уӷанэн всаворэ. Да, пала када трэбуй тэ уӷанэн! Но, андэ кодэя жэ время, можэт ту пэрэжываеш, сар када тэ стерэс. Катэ ту уӷанэса, со поможыя тэ на дарас и со тэ терэс, кай тэ авэл радость, кала дэс дума варикаса пала Библия.

1. Сар тэ росԥэнэс пала Библия кодэлэнди, кас ту ӷанэс?

Акэ со ԥэндэ лэ Иисусостирэ ученикоря: «Амэ нэ можэм тэ парашас тэ росԥэнас пала кода, со диқлям и со ашундям» (Деяния 4:20). Вонэ кадя обрадосайлэ кодэлэсти, со уӷанглэ лэ Иисусостар, кай када камэнас тэ росԥэнэн всаворэнди. Ай тутэ по ди кадяжэ? Тоди старысав тэ росԥэнэс, со ту уӷанглян, пэстирэ родости и лэ друӷонэнди. (Адиносар Колоссянам 4:6.)

Сар тэ задэс дума?

Кала дэс дума пэстирэнца, можно тэ ԥэнэс: «Пэ кадэва курко мэ уӷанглэм интересно гиндо»
Если варико занасвайля или пала варисо пэрэжывает, бишал лэсти или проадиносар стихо анда Библия, саво поджал.
Кала кодэла, каса ту терэс ек бути, пушэна, сар тутэ и дила, росԥэн, со ту уӷанглян пэ изучения или пэ собрания.
Сыкав лэ друӷонэнди о сайто jw.org.
Ақар манушэн пэ тири изучения или сыкав лэнди, сар тэ бишалэн и заявка по сайто jw.org, кай лэнца варико тэ изучает.

2. Васо трэбуй тэ росԥэнэс пала Дэл ла собранияса?

О Иисусо росԥэнэнас важ о Дэл всаворэ манушэнди, ай най ек кати, кас ӷанэнас. О Иисусо «бишалдя лэн пэрвонэн по дуй, андо кажно форо» (Луки 10:1). Кадя пала Дэл моӷли тэ уӷанэн май бут мануша. Кала вонэ вмести терэнас кадэя дила, када анэнас лэнди бари радость (Луки 10:17). Ай ту камлоп тэ служыс вмести ла собранияса?

УӶАНАМ МАЙ БУТ

Андэ кадэя ӷлава амэ уӷанаса, со тэ терас, кай тэ на пэрэжываем и сар тэ радосавас кодэлэсти, кай дас дума па Библия.

3. О Иегова поможыя тути

Кодэла, ко камэн тэ росԥэнэн пала Дэл, моӷут тэ пэрэжывают, со пала лэндэ лэла тэ гиндой о миро.

Даранэс тути тэ росԥэнэс аврэнди пала кода, со ту уӷанэс анда Библия? Васо?

Диқам о ВИДЕО и подам дума пала вопросо, саво посли видео.

ВИДЕО: «Мэ манглэмпэ лэ Иеговасти, кай тэ авав смило» (4:05)

Сар кадэла тэрнэ лэ Иеговастирэ свидетеля парашэлэ тэ даран?

Адиносарам Исаия 41:10 и подам дума пала вопросо, саво май тэлэ.

Сар кода, кай мангаспэ лэ Дэвлэсти, поможыя, кала амэ дарас тэ дас дума пала лэстэ?

Ту ӷанглян?

Анда лэ Иеговастирэ свидетеля исин бут, ко даранас тэ задэн дума пала Дэл. Лэ Серёӷасти через кода, кай во найдраго гиндояс пала пэстэ, сас ԥарэс тэ дэл дума лэ манушэнца. Потом во ля тэ изучает и Библия. Во росԥэнэн: «Хоть мэ даравас, мэ всаек лэм тэ росԥэнав аврэнди пала кода, со уӷанавас. Мэ удивисайлэм кодэлэстар, кай кала мэ лэм тэ росԥэнав пала Библия аврэнди, мэ ашэлэм май смило. Кадяжэ мэ лэм май фартэ тэ патяв лэ Иеговасти».

4. Стам патив пэ авэр

Кала дэс дума варикаса пала Библия, гиндосар най кати пала кода, со тэ ԥэнэс, но и сар када тэ ԥэнэс. Адиносарам 2 Тимофею 2:24 и 1 Петра 3:15 и подам дума пала вопросоря, савэ май тэлэ.

Сар кадэла стихоря поможына тути, кала лэса тэ дэс дума аврэнца пала Дэл?
Най всаворэ анда родо или анда друӷоря лэна тэ гиндон кадя, сар ту. Тоди, сар тэ андярэс пэс? И со на трэбуй тэ терэс?
Васо фэдэр пативалэс тэ пушэс манушэстар, сар во гиндой, ай най тэ уԥэнэс, андэр со во трэбуй тэ патял?

5. Кала росԥэнэс анда Библия, када анэн радость

О Иегова ԥэндя лэ Иисусости тэ росԥэнэн и лащи новость. Со терэлас о Иисусо? Адиносарам Иоанна 4:34 и подам дума пала вопросоря, савэ май тэлэ.

Кала хас хамос, када дэл зор и анэн радость. Васо о Иисусо ԥэндя, кай кала амэ терас, со камэл о Дэл, ай кадяжэ, кала росԥэнас лащи новость, можно тэ сыстос кодэлэса, кала хас о хамос?
Саво лашимос анэн кода, кай росԥэнас и лащи новость?

Шув сама

Кала жал собрания машкар курко, дик важ пэстэ, сар ту можэш тэ залэс дума пала Библия лэ манушэнца.
Уӷан, со трэбуй, кай тутэ тэ авэн задании пэ собрания, сави жал машкар курко. Через када ту май драго сытёса тэ росԥэнэс пала Дэл.
Дик котэ, кай пистромэ «Тути варико можэт тэ ԥэнэн», кай тэ уӷанэс, сар тэ залэс дума пала кода, со май часто пушэн.

ТУТИ ВАРИКО МОЖЭТ ТЭ ԤЭНЭН: «Савэ новости тумэндэ?»

Кала тутар пушэн пала када, сар ту можэш тэ росԥэнэс, со ту уӷанглян пэ тири изучения?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай кала дас дума пала Библия, када анэн амэнди радость, ай тэ залас дума пала када, можэт тэ авэл май вушэро, чем гиндос.