Со тутэ по ди, кала тути дарин подарко? Тутэ радость кадэлэстар и ту камэс тэ стерэс варисо важ кадэва мануш. О Иегова и о Иисусо подарисардэ амэнди само лашо подарко. Со када за подарко и сар тэ сыкавас важ лэстэ амари блаӷодарность?

1. Сар тэ сыкавас пэстири блаӷодарность лэ Дэвлэсти и лэ Иисусости важ кода, со вонэ важ амэндэ стердэ?

Андэ Библия пистромэ, кай кажно, ко сыкавэл, кай патял андо Иисусо, жувэла вечно (Иоанна 3:16). Тэ патяс андо Иисусо, када най просто кода, со андо ди. Трэбуй вся и время пэ дила тэ сыкавас, кай патяс и кай амари вера тэ дицол па кода, со амэ витидас (Иакова 2:17). Если па дума и па дила дицол, кай амэ патяс, тоди кадэлэстар амари дружба лэ Иеговаса и лэстирэ Шавэса лэ Иисусоса ашэла май лащи. (Адиносар Иоанна 14:21.)

2. Кала ту можэш тэ сыкавэс, кай блаӷодарно лэ Иеговасти и лэ Иисусости?

О Иисусо камэлас, кай лэстирэ апостолоря и всаворэ чачунэ христианоря тэ сэрэн, кай во отдя пэстири жызня важ и мануша. Англа пэстири смэрть во росԥэндя пэстирэ учениконэнди, сар вонэ моӷут када тэ терэн. О Иисусо заля тэ терэл и Вечеря. Андэ Библия пэр латэ инке ԥэнэнпэ «Вечеря, кай тэ сэрас пала лэ Иисусостири смэрть» или «лэ Иисусостири Вечеря» (1 Коринфянам 11:20). О Иисусо ԥэндя: «Терэн када, кай тэ сэрэн пала мандэ» (Луки 22:19). Сар авэса пэ кацави Вечеря, кадэлэса ту сыкавэса, кай блаӷодарно сан лэ Иеговасти и лэ Иисусости важ лэндири бари любовь.

 УӶАНАМ МАЙ БУТ

3. Важ и блаӷодарность, ту закамэса варисо тэ терэс

Представь, кай варико спасысардя тири жызня. Ту просто бистрэса пала када и вся? Най! Ту закамэса варисо тэ стерэс важ кацаво мануш, важ кода кай сан фартэ блаӷодарно лэсти.

Ай амэн всаворэн спасысардя о Иегова. Адиносарам 1 Иоанна 4:8—10 и подам дума пала вопросоря, савэ май тэлэ.

• Васо, кай о Иисусо отдя пэстири жызня важ амэндэ, када со май лашо подарко?

• Со тутэ по ди кодэлэстар, со важ тутэ стердя о Иегова и о Иисусо?

Сар тэ сыкавас, кай амэ блаӷодарни лэ Иеговасти и лэ Иисусости? Адиносарам 2 Коринфянам 5:15 и 1 Иоанна 4:11; 5:3. Кала проадиносараса кадэла стихоря, подам дума пала вопросо, саво май тэлэ.

• Сар анда кадэла стихоря дицол, сар амэ можэм тэ сыкавас, кай сам блаӷодарни?

4. Сытювас лэ Иисусостар

Инке сар амэ можэм тэ сыкавас пэстири блаӷодарность, када тэ старысавас тэ терас вся, сар о Иисусо. Адиносарам 1 Петра 2:21 и подам дума пала вопросо, саво май тэлэ.

• Сар ту можэш инке май драго тэ сытёс лэ Иисусостар?

• Сар прожал и Вечеря?

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай можэм тэ сыкавас пэстири блаӷодарность важ о выкупо, если ласа май фартэ тэ патяс андо Иисусо и аваса пэ Вечеря, кай тэ сэрас пала лэстири смэрть.

Сар ту гиндос?

• Сар тэ сыкавэс, кай тэ дицол, кай ту патяс андо Иисусо?

• Сар ту можэш тэ сыкавэс пэстири блаӷодарность лэ Иеговасти и лэ Иисусости важ кода, со вонэ стердэ важ тутэ?

• Васо важно тэ авэс пэ Вечеря?