31 ӶЛАВА

Со када лэ Дэвлэско Царство?

ВОСПРОИЗВЕСТИ

Ӷлавно, пала со жал и дума андэ Библия, када пала лэ Дэвлэско Царство. Через кадэва Царство о Иегова стерэла раё пэ вся и ԥув. Ай со када Царство? Катар амэ ӷанас, кай во ужэ правий? Со стердя кадэва Царство? И со во стерэла англэ? Пала када ту уӷанэса анда кадэя и анда авэр ӷлавы.

1. Со када лэ Дэвлэско Царство и ко андэр лэстэ Царё?

Царство, када правительство, саво стодя о Дэл о Иегова. Царё андэ кадэва Царство о Иисус Христос, саво правий па нэбо (Матфея 4:17; Иоанна 18:36). Андэ Библия пистромэ, кай лэстири правления на парашэла никала (Луки 1:32, 33). О Иисусо, Царё андэ лэ Дэвлэско Царство, лэла тэ правий па нэбо понад всаворэ мануша, савэ жувэн пэ ԥув.

2. Ко правий лэ Иисусоса?

О Иисусо правий най екжэно. Вмести лэса лэна тэ правин ла ԥувьяса «и мануша анда всаворэ племена, нацыи и народоря» (Откровение 5:9, 10). Скати лэн авэла? Ла времятар, кала о Иисусо жувэлас пэ ԥув, христианонэнца ашэлэ милионоря мануша. Но кати 144 тысячи андар лэндэ жана по нэбо, кай тэ правин лэ Иисусоса. (Адиносар Откровение 14:1—4.) Ай авэр христианоря лэна тэ жувэн пэ ԥув тала лэ Дэвлэско Царство (Псалом 37:29).

3. Соса лэ Дэвлэско Царство май лашо, чем и правительства кай и мануша?

Дажэ если и мануша старыинпэ тэ терэн варисо лашо, лэндэ на вижал тэ стерэн вся, со вонэ камэн. Прожал время и вместо лэндэ авэн авэр, савэ гиндон кати пала пэстэ и на камэн тэ поможын лэ манушэнди. Но о Иисусо, сар Царё андэ лэ Дэвлэско Царство, лэла тэ правий вся и время, и лэс нико никала на парувэла. О Дэл стола Царство, саво «никала на авэла розмардо» (Даниил 2:44). О Иисусо лэла тэ правий всаворя ԥувьяса. О Иисусо на лэла тэ диқэл, саво о мануш пар пэстэ, во любий, во добро и справедливо, и кадяжэ во поможыя, кай и мануша тэ авэн кацавэ жэ, сар во. (Адиносар Исаия 11:9.)

УӶАНАМ МАЙ БУТ

Андэ кадэя ӷлава амэ уӷанаса, со доԥэнэн, кай лэ Дэвлэско Царство май лашо, чем и правительства, савэ кай и мануша.

4. Всаворя ԥувьяса лэла тэ правий со май зорало правительство

Кай о Иисусо май бут зор и власть, чем варикастэ кай и правителя анда мануша. Адиносарам Матфея 28:18 и подам дума пала вопросо, саво май тэлэ.

Андэр со о Иисусо май лашо правителё, чем авэр?

И правителя, савэ кай и мануша, часто парудён, и кажно правий кати пэ пэсти ԥув. Ай со можно тэ ԥэнэс пала лэ Дэвлэско Царство? Адиносарам Даниил 7:14 и подам дума пала вопросоря, савэ май тэлэ.

Васо драго кода, кай лэ Дэвлэско Царство «на авэла розмардо»?
И васо драго, кай во лэла тэ правий всаворя ԥувьяса?

5. Трэбуй тэ парувэн лэ манушэндирэ правительства

Васо лэ Дэвлэско Царство парувэла манушыканэ правительства? Диқам о ВИДЕО и подам дума пала вопросо, саво посли видео.

ВИДЕО: «Со када лэ Дэвлэско Царство?» Набут анда видео (1:41)

Каринг со андя и манушыкани правления?

Адиносарам Экклезиаст 8:9 и подам дума пала вопросоря, савэ май тэлэ.

Гиндос ту, кай лэ Дэвлэско Царство трэбуй тэ парувэл и манушыканэ правительства пэ пэстири правления? Васо ту кадя гиндос?

6. Андэ лэ Дэвлэско правительство авэна кодэла, ко амэн полэн

О Иисусо, амаро Царё, сас пэ ԥув, и важ када во «можэт тэ жалуий амэн андэ амаро ԥаримос» (Евреям 4:15). Всаворэ 144 000 мурша и жувля, савэ кандэн лэ Дэвлэс, лэна тэ правин лэ Иисусоса. Када авэна и мануша «анда всаворэ племена, нацыи и народоря». Лэн витидэл екжэно о Иегова (Откровение 5:9).

Ашэл тути май вушэро по ди кодэлэстар, кай о Иисусо и всаворэ, ко лэна тэ правин лэса, полэн, сави жызня кай и мануша? Через када ту лэс май фартэ патяс андэ лэ Дэвлэско Царство? Росԥэн.

О Иегова витидя разнонэ муршэн и жувлян, кай вонэ тэ правин вмести лэ Иисусоса

7. Андэ лэ Дэвлэско Царство со май лашэ законоря

И законоря, савэ исин андэ страны, стодэ, кай тэ фэрин лэ манушэн, савэ котэ жувэн. Кай лэ Дэвлэско Царство кадяжэ исин законоря, и кодэла, ко жувэн тала лэстири правления, трэбуй тэ жувэн па кадэла законоря. Адиносарам 1 Коринфянам 6:9—11 и подам дума пала вопросоря, савэ май тэлэ.

Сар паруделоп вся андэ люма, если и мануша тэ жувэн па лэ Дэвлэско законо? a
Сар па тирятэ, правильно, кай о Иегова камэл, кай лэстирэ мануша тэ ритярэн и законоря, савэ кай лэско Царство? Росԥэн.
Андар со дицол, кай и мануша, савэ инке на жувэн па лэ Дэвлэско законо, моӷут тэ парудён? (Диқэн о стихо 11.)

И правителя стон законоря андэ страна, кай тэ фэрин лэ манушэн, савэ котэ жувэн. Но и законоря, савэ кай лэ Дэвлэско Царство, пэ бутэстэ май лашэ, чем и законоря кай и мануша

ТУТИ ВАРИКО МОЖЭТ ТЭ ԤЭНЭН: «Со када лэ Дэвлэско Царство?»