35 ӶЛАВА

Сар тэ прилэс лашэ ришэнии?

ВОСПРОИЗВЕСТИ

О мануш бут со витидэл, например, тэ жэнийпэ или тэ жал миростэ, кай тэ жувэл и пэ сави бути тэ терэл. Андэ лэ манушэстири жызня дицол, со во витидэл, и дицол, сави лэстэ дружба лэ Иеговаса. Кала о мануш правильно витидэл, кадэлэстар радуийпэ о Иегова и екжэно мануш.

1. Сар и Библия поможыя тути тэ витидэс правильно?

Англа кода, сар тэ витидэс варисо, мангпэ кай о Иегова и уӷан, со пала када ԥэнэнпэ андэ Библия. Кадя ту полэса, сар о Иегова диқэл пэ кода, со ту камэс тэ витидэс. (Адиносар Притчи 2:3—6.) Кала андэ Библия о Иегова пала варисо ԥэнэн ворта, можно када или нащи, тоди авелоп фэдэр тэ стерэс имено кадя, сар во ԥэнэн.

Ай со если андэ Библия на ԥэнэнпэ ворта, со тэ терэс? О Иегова всаек можэт тэ сыкавэл, па саво дром тэ жас (Исайя 48:17). Во сыкавэл када через и принцыпоря анда Библия. И принцыпоря, када ӷлавно, со поможыя тэ полас лэ Дэвлэстирэ гиндоря. Дэкала и случаёря анда Библия поможын тэ полэс, сар о Дэл диқэл пэ разни ситуацыи. Тоди ту уӷанэса, со кай о Иегова сас по ди и ту полэса, сави ришэния тэ прилэс, кай тэ радуис лэс.

2. Пала со трэбуй тэ погиндос англа кода, сар варисо тэ витидэс?

Андэ Библия пистромэ: «Годявэрно обгиндой, со лэла тэ терэл» (Притчи 14:15). Дицол, кай на трэбуй тэ грабис англа кода, сар варисо тэ терэс. Кала витидэс, пуш пэстар: «Савэ принцыпоря анда Библия поджан андэ кадэя ситуацыя? Авэла мандэ драго по ди кодэлэстар, со мэ витидава? Сар пэ кода, со мэ витидава диқэна авэр? И со май ӷлавно, чалёла када лэ Иеговасти чи най?» (Второзаконие 32:29).

Кай о Иегова исин право тэ ԥэнэн амэнди, со правильно, ай со най. Кала ту уӷанэса лэ Дэвлэстирэ законоря и принцыпоря и закамэса тэ терэс кадя, сар котэ ԥэнэнпэ, тоди ту лэса тэ сытярэс пэстири совесть. Совесть, када кала о мануш полэл, со драго, ай со най (Римлянам 2:14, 15). Кала драго сытярэс пэстири совесть, тоди тутэ вижала правильно тэ прилэс и ришэнии.

УӶАНАМ МАЙ БУТ

Андэ кадэя ӷлава амэ уӷанаса, сар амари совесть и принцыпоря анда Библия, поможын, кала амэ варисо витидас.

3. И принцыпоря анда Библия подԥэнэн

Сар и принцыпоря анда Библия поможын амэнди тэ прилас правильно ришэния? Диқам о ВИДЕО и подам дума пала вопросоря, савэ посли видео.

ВИДЕО: «Жувэн па библейски принцыпоря» (5:54)

Саво подарко дя о Иегова?
Васо о Иегова стердя кадя, кай о мануш можэт екжэно тэ витидэл?
Со о Иегова дя амэнди, кай амэндэ тэ вижал правильно тэ витидас?

Диқам ек принцыпо анда Библия. Адиносарам Эфесянам 5:15, 16. Росԥэн, со ту можэш тэ терэс, кай тутэ тэ вижал:

кажно дес тэ адинос и Библия,
тэ авэс лашо хулай или хулаи, лашо дад или лащи дэй, лашо шаво или лащи щей,
тэ ԥирэс пэ собрания.

4. Сытяр пэстири совесть

Кала андэ Библия ворта пистромэ, со тэ витидэс, тоди май вушэро тэ витидэс кода, со правильно. Ай со если андэ Библия пала дэсо ворта на ԥэнэнпэ, со тоди тэ терэс? Диқам о ВИДЕО и подам дума пала вопросо, саво посли видео.

ВИДЕО: «Тер вся, кай тири совесть тэ ашэлпэ вужи» (5:13)

Со стердя и ԥэй, кай латири совесть тэ подԥэнэн лати тэ витидэл кода, со чалёла лэ Иеговасти?

Васо на трэбуй тэ мангас аврэн, кай вонэ тэ витидэн важ амэндэ? Адиносарам Евреям 5:14 и подам дума пала вопросоря, савэ май тэлэ.

Сости амэ никала на сытюваса, кала вся и время мангас аврэн, кай вонэ тэ витидэн важ амэндэ?
Со поможыя тути тэ сытярэс пэстири совесть и тэ витидэс кода, со правильно?

Амари совесть, сар и о навиӷатаро, поможый тэ витидас правильно дром андэ жызня

5. Стон патив пэ кода, со витидэн авэр

И мануша разни и важ када кажно витидэл па пэстирятэ. Сар тоди тэ стас патив пэ кода, со вонэ витидэн? Диқам дуй ситуацыи.

Пэрво ситуацыя. Ек ԥэй, сави любий тэ красыйпэ, пэрэладэл андэ собрания, андэ сави бутэ ԥэянди на чалёл, кала и ԥэя красынпэ.

Адиносарам Римлянам 15:1 и 1 Коринфянам 10:23, 24 и подам дума пала вопросоря, савэ май тэлэ.

Со и ԥэй моӷла бы тэ терэл, кала погиндосардоп пала кадэла стихоря? Сар кадэла стихоря поможына тути, если тири совесть домэкэл тэ терэс кода, со на терэла авэр мануш?

Дуйто ситуацыя. О ԥрал ӷанэн, кай андэ Библия пистромэ, кай можно тэ пэс, кати кай тэ на доматёс. Но важ пэстэ во витидя совсем тэ на пэл. Кала и христианоря тидэнпэ тэ побэшэн, лэс тожэ ақарэн, и котэ во диқэл, кай и ԥрала бэшэн и набуточка подпэн.

Адиносарам Экклезиаст 7:16 и Римлянам 14:1, 10 и подам дума пала вопросоря, савэ май тэлэ.

Со лэ ԥралэсти фэдэр тэ на терэл, сар пистромэ андэ кадэла стихоря? Сар поможына тути кадэла стихоря, кала тири совесть на домэкэл тэ терэс кода, со терэн авэр?

Сар тэ витидэс кода, со правильно?

1. Мангпэ кай о Иегова, кай во тэ поможый тути тэ витидэс, со тэ терэс (Иакова 1:5).

2. Родэ андэ Библия и андэ амарэ публикацыи принцыпоря, савэ поджан каринг тири ситуацыя. Кадяжэ, ту можэш тэ пушэс совето кай и христианоря, савэ моӷут тути тэ подԥэнэн.

3. Погиндосар, со вижала. Сар пэ кода, со ту витидэса, диқэна авэр и сави кадэлэстар авэла тири совесть?

ТУТИ ВАРИКО МОЖЭТ ТЭ ԤЭНЭН: «Ту можэш тэ терэс вся, со камэс. Тути трэбуй, со гиндон авэр?»

Васо трэбуй тэ гиндос пала кода, со по ди кай о Дэл и кай и мануша?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай амэ витидас правильно тоди, кала уӷанас, со гиндой пала када о Иегова, ай потом гиндосарас, поможыя када аврэнди или кадэлэстар лэнди авэла вэрыто.