37 ӶЛАВА
Со андэ Библия пистромэ пала ловэ и бути?
Сас тутэ пэрэжывания пала ловэ и пала бути? Дэкала найвушэро тэ затерэс и тэ служыс лэ Иеговасти. Но тути поможына библейски советоря.
1. Со андэ Библия ԥэнэнпэ пала затеримос?
О Иегова камэл, кай лэ манушэсти тэ анэн радость, кала во затерэл важ и жызня. Андэ Библия пистромэ: «Нинай нисо май лашо важ о мануш, чем... тэ радуийпэ пэстиря бутятар» (Экклезиаст 2:24). О Иегова екжэно бут сави дила терэл. Амэ сытювас лэстар и драго терас пэсти бути. Када радуий лэ Дэвлэс и кадэлэстар амэнди драго по ди.
Тэ затерэс ловэ трэбуй. Но на домэк, кай када тэ авэл май куч, чем и служэния лэ Иеговасти (Иоанна 6:27). О Дэл дэл алав, кала во авэла тутэ по пэрво ҭан, тоди тутэ авэла вся, со трэбуй важ и жызня.
2. Со тутэ трэбуй тэ авэл андо ди каринг и ловэ?
Андэ Библия пистромэ, кай и ловэ фэрин. Но кадяжэ пистромэ, кай ек кати лэ ловэндар на авэса лошало (Экклезиаст 7:12). И инке ԥэнэнпэ, кай трэбуй тэ авас лошалэ кодэлэсти, со исин, и нащи тэ домэкас тэ любисарас и ловэ. (Адиносар Евреям 13:5.) Кала о мануш довольно всаворэса, со лэстэ исин, лэстэ на авэла по ди, кай варисо на хутилэл, и во на ӷонияпэ пала хабэ. Амэ на ӷуляса андо вужылимос, кала када на трэбуй и на авэла гиндо, кай тэ цэлас андэ азартни иӷры. Амэ на ласа тэ терас пэ кацавэ бутя, савэ ԥэнэн, кай можно ӥто тэ затерас барэ ловэ (Притчи 22:7).
3. Сар анда оди тэ делисавас?
О Иегова дэл анда оди. И амэ камас тэ шаспэ пэр лэстэ, тэ на авас жадни и тэ камас тэ делисавас (1 Тимофею 6:18). Ту можэш анда оди тэ дэс пожэртвовании важ и собрания, тэ поможыс, касти када трэбуй, ай особено кодэлэнди, ко анда собрания. О Иегова диқэл най пэ кода, скати амэ дас, ай васо амэ када терас. Кала дас анда оди, амэ радосарас лэ Иеговас и радосавас екжэнэ. (Адиносар Деяния 20:35.)
УӶАНАМ МАЙ БУТ
Андэ кадэя ӷлава амэ уӷанаса, сар тэ сытювас тэ авас лошалэ кодэлэсти, со исин, и пэ саво ҭан андэ жызня трэбуй тэ авэл и бути.
4. Мэк авэл ашунгло о Иегова через кода, сар ту старыиспэ тэ затерэс
Андэ кода, сар амэ терас пэстири бути, трэбуй тэ дицол, сави амэндэ дружба лэ Иеговаса. Диқам о ВИДЕО и подам дума пала вопросоря, савэ май тэлэ.
-
Со тути чалеля анда кода, сар о Джейсоно андярэлас пэс пэ бути?
-
Со во терэлас, кай и бути тэ авэл важ лэстэ найӷлавно?
Адиносарам Колоссянам 3:23, 24 и подам дума пала вопросо, саво май тэлэ.
-
Васо важно, сар амэ терэс пэстири бути?
Тэ затерас ловэ трэбуй, но нащи тэ домэкас, кай када тэ авэл май куч, чем и служэния лэ Иеговасти
5. Кала ту довольно кодэлэсти, со исин, када фэрий тут
Бут мануша старыинпэ тэ затерэн со май бут. Но андэ Библия пистромэ, кай исин кода, со май важно, чем и ловэ. Адиносарам 1 Тимофею 6:6—8 и подам дума пала вопросо, саво май тэлэ.
-
Саво совето исин андэ Библия?
Амэ можэм тэ авас лошалэ дажэ кодэлэсти, кай андо цэр исин котор марно. Дикам о ВИДЕО и подам дума пала вопросо, саво посли видео.
-
Васо кай кадэла еря исин радость, хоть вонэ и жувэн фартэ чорорэс?
Со тэ терэс, если тутэ вся хутилэл, но всаек камэлпэ, кай тэ авэл инке май бут? О Иисусо росԥэндя ек притча, па сави дицол, васо кадэлэстар трэбуй тэ фэрисавас. Адиносарам Луки 12:15—21 и подам дума пала вопросо, саво май тэлэ.
-
Сости амэн сытярэл кадэва примеро? (Диқэн о стихо 15.)
Адиносарам Притчи 10:22 и 1 Тимофею 6:10 и сыстосарам кадэла стихоря. Тоди подам дума пала вопросоря, савэ май тэлэ.
-
Сар па тирятэ, со май важно, и дружба лэ Иеговаса или бут ловэ? Росԥэн.
-
Саво ԥаримос исин кодэлэндэ, ко цырдэлпэ пала затеримос?
6. О Иегова дэла вся, со трэбуй важ и жызня
Кала исин варисаво ԥаримос лэ ловэнца или ла бутяса, тоди дицола, пэ скати ту патяс лэ Иеговасти. Диқам о ВИДЕО и уӷанам, со тэ терас, кала исин кацаво ԥаримос. И подам дума пала вопросоря, савэ посли видео.
-
Саво ԥаримос сас кай кадэва ԥрал?
-
Со во терэлас андэ кадэя ԥари ситуацыя?
Адиносарам Матфея 6:25—34 и подам дума пала вопросо, саво май тэлэ.
-
Пала со о Иегова дэл алав кодэлэнди, кастэ во по пэрво ҭан?
ТУТИ ВАРИКО МОЖЭТ ТЭ ԤЭНЭН: «Манди трэбуй тэ затерав, кай тэ праварав лэ ерес. Мандэ нинай время кажно курко тэ ԥирав пэ собрания».
-
Савэ стихоря анда Библия сыкавэн, кай кала амэ стас лэ Иеговас по пэрво ҭан, када со май правильно?
ПАЛА СО АМЭ ДЯМ ДУМА?
Анда кадэя ӷлава амэ уӷанглям, кай тэ затерас ловэ трэбуй, но нащи, кай када тэ мишыий тэ служысарас лэ Иеговасти.
Сар ту гиндос?
-
Со поможыя тути правильно тэ полэс, пэ саво ҭан андэ жызня трэбуй тэ авэл и бути и о затеримос?
-
Васо, кай ту довольно кодэлэса, со исин, фэрий тут?
-
Сар ту можэш тэ сыкавэс лэ Иеговасти, кай патяс, кай во можэт тэ позаботийпэ пала тутэ?
ДИК ИНКЕ
Пистромэ андэ Библия, кай и ловэ када варисо найлашо?
Сар тэ используеш и ловэ, кай кадэлэстар тэ лошавэл о Дэл?
«Со андэ Библия ԥэнэнпэ пала кода, кай анда оди тэ делисавас?» (статья по сайто)
Нисо страшно, кала о мануш цэлэл андэ азартни иӷры чи най?
«Точка зрения Библии. Азартные игры» (Журнало «Прошонпэ!» важ о марто пала 2015 бэрш)
Уӷан, сар паруделя о мануш, саво фартэ любияс тэ чорэл и тэ цэлэл андэ азартни иӷры.
«Я обожал скачки» («Сторожэво башня» важ 1 ноябрё пала 2011 бэрш)
