39 ӶЛАВА
Сар о Дэл диқэл по рат?
Лэ манушэстэ на авелоп и жызня, если андэр лэстэ тэ на авэл о рат. Важ кода кай о Дэл Создателё, лэстэ исин право тэ ԥэнэн, со тэ терас лэ ратэса. Можно о рат тэ хас, тэ пас или тэ пэрэшас? Со пала када ԥэнэнпэ андэ Библия? Сар тэ уӷодисарас лэ Иеговасти, кала и дума жал пала рат?
1. Сар о Иегова диқэл по рат?
Дэлмут о Иегова ԥэндя пэстирэ служытелёнэнди: «О рат кай вся, со жундо, када и жызня» (Левит 17:14). Англа Иегова о рат, када и исин жызня. И жызня, када лэ Дэвлэско подарко и вой свынто, вижал, и о рат кадяжэ свынто.
2. Со о Дэл на домэкэл тэ терэн лэ ратэса?
Кала инке на сас о христианство, о Иегова стодя законо важ пэско народо, кай вонэ тэ на хан о рат. (Адиносар Бытие 9:4 и Левит 17:10.) Кадэва законо ашэляпэ жы кай пэрво вико. Када драго дицол па кода, кай андо пэрво вико о руководящё совето ԥэндя, кай всаворэ христианоря тэ ритярдён май дур лэ ратэстар. (Адиносар Деяния 15:28, 29.)
Сар када, тэ ритярдён май дур лэ ратэстар? Прецтавь, кай о врачо ԥэнэн лэ манушэсти, кай лэсти нащи тэ пэл алкоӷолё. Тоди можэт во тэ хал о хамос, кай исин алкоӷолё, или тэ зашол лэс пэсти андэ вены? Канешно най! Кадяжэ лэ Дэвлэско законо пала кода, кай тэ ритярдён май дур лэ ратэстар, сыкавэл, кай нащи тэ пэн о рат и тэ хан о мас, анда саво на вимэклэ о рат. Ай кадяжэ нащи тэ хан разно хамос, андэ саво сас дошуто о рат.
Ай со если о рат трэбуй авэла, кай о мануш тэ личийпэ? Дэкала и врачоря ԥэнэн, кай тэ пэрэшон о рат кодэлэ манушэско, саво личийпэ или аврэ манушэнго рат. Тэ пэрэшон о рат кадя, сар во исин, или дэсавэ анда лэстирэ штар ӷлавни части, пэ савэ ԥэнэн плазма, эритроцыторя, лейкоцыторя и тромбоцыторя. Тоди када ворта жал против лэ Дэвлэско законо. Но инке исин процэдуры, пэ савэ кадя ворта на ԥэнэса. Например, важ дэсавэ процэдуры трэбуй найбарэ части анда кодэла ӷлавни штар части анда рат. Пэ кацавэ найбарэ части ԥэнэн фракцыи. Ай исин процэдуры, кай о мануш трэбуй тэ личийпэ пэстирэ ратэса. Пала кацави личения кажно мануш екжэно трэбуй драго тэ погиндой и тэ витидэл, лэла во када тэ терэл чи най (Галатам 6:5) a.
УӶАНАМ МАЙ БУТ
Андэ кадэя ӷлава амэ уӷанаса, сави личения тэ витидас, кала и дума жал пала рат.
3. Личисав кадя, кай када тэ на римой и дружба лэ Иеговаса
Сави личения тэ витидэс, кала и дума жал пала рат, кай када тэ сжалпэ лэ Дэвлэстиря времяса? Диқам о ВИДЕО и подам дума пала кода, со пистромэ май тэлэ и васо важно када тэ терас.
-
Манг мудрость кай о Дэл (Иакова 1:5).
-
Виарак библейски принцыпоря, савэ поджан каринг тири ситуацыя, и дик, сар вонэ моӷут тэ поможын тути (Притчи 13:16).
-
Уӷан, сар личин котэ, кай ту жувэс.
-
Витидэ, сар ту точно на лэса тэ личиспэ.
-
Погиндосар, на лэла тэ хал тут тири совесть кодэлэстар, со ту витидэса? (Деяния 24:16) b.
-
Сэр, кай нико нащи тэ ԥэнэн тути, со тэ терэс, кала тэ витидэс трэбуй па тири совесть. Ту екжэно трэбуй тэ ришыс, дажэ если када ԥэнэн о хулай или хулаи, о старейшына или кодэва, ко туса изучает и Библия (Римлянам 14:12).
-
Запистросар кода, со ту витидян.
4. Лэ Иеговастирэ свидетеля витидэн со май лащи личения
Ту можэш тэ терэс кадя, сар камэл о Дэл, и тэ личиспэ драго и би ратэско. Диқам о ВИДЕО.
Адиносарам Титу 3:2 и подам дума пала вопросо, саво май тэлэ.
-
Васо лэ врачонэнца трэбуй тэ дас дума спокойно и пативалэс?
|
Кода, со нащи |
О христианино витидэл екжэно |
|---|---|
|
1. Плазма анда рат |
Фракцыи анда плазма |
|
2. Лейкоцыторя |
Фракцыи анда лейкоцыторя |
|
3. Тромбоцыторя |
Фракцыи анда тромбоцыторя |
|
4. Эритроцыторя |
Фракцыи анда эритроцыторя |
5. И ришэнии пала фракцыи
О рат сыно анда штар части. Пэр лэндэ ԥэнэн эритроцыторя, лейкоцыторя, тромбоцыторя и плазма. Анда кадэла штар ӷлавни части и врачоря лэн дэсо, пэр со ԥэнэн фракцыи c. Дэсавэ анда кадэла фракцыи исин андэ драба, савэнца о мануш личийпэ, или кала и врачоря камэн тэ тердярэн, кай анда мануш тэ на ужал бут рат.
Ай кала и дума жал пала фракцыи, о мануш трэбуй екжэно тэ витидэл кадя, сар подԥэнэн лэстири совесть, сави сытярди па Библия. Ек христианино можэт тэ отԥэндёл тэ лэл и фракцыи, кай тэ личийпэ. Ай авэр на диқэл нисо андэ када.
Англа кода, сар лэса тэ витидэс варисо, пуш пэстар
-
Сар мэ росԥэнава лэ врачости, васо мэ камав или на камав, кай андэ мэрни личения тэ авэн дэсавэ фракцыи?
ТУТИ ВАРИКО МОЖЭТ ТЭ ԤЭНЭН: «Со вэрыто андэ кода, кай тэ пэрэшон о рат?»
-
Со ту пэ када ԥэндоп?
ПАЛА СО АМЭ ДЯМ ДУМА?
Анда кадэя ӷлава амэ уӷанглям, кай англа Иегова о рат свынто, и во камэл, кай амэ тэ гиндосарас кадяжэ.
Сар ту гиндос?
-
Васо важ о Иегова о рат свынто?
-
Васо андэ лэ Дэвлэско законо, тэ ритярдён май дур лэ ратэстар, кадяжэ ужал и тэ на пэрэшон о рат?
-
Со поможыя тути тэ витидэс правильно личения?
ДИК ИНКЕ
Пала со трэбуй тэ погиндос англа кода, сар тэ жас пэ процэдуры, пэ савэ личин тирэ жэ ратэса?
«Пушэн кодэла, ко адинон» («Сторожэво башня» важ 15 октябрё пала 2000 бэрш)
Пала со трэбуй тэ погиндос англа кода, сар тэ прилэс ришэния, авэна андэ тири личения дэсавэ фракцыи чи най?
«Пушэн кодэла, ко адинон» («Сторожэво башня» важ 15 июнё пала 2004 бэрш)
Васо ек врачо ля тэ гиндой пала рат кадя жэ, сар о Иегова?
«Я принял точку зрения Бога на кровь» (Журнало «Прошонпэ!» важ 8 декабрё пала 2003 бэрш)
Уӷан, сар и старейшыноря, савэ анда камитето па связи лэ больницэнца, поможын лэ ԥралэнди и лэ ԥэянди.
b Диқам андэ кадэя ӷлава, 5 пункто «И ришэнии пала фракцыи», кадяжэ Ссылка 3 «Личения, андэ сави исин рат».
c Дэсавэ врачоря ԥэнэн пэ ӷлавни штар части, кай када фракцыи. Важ када тути трэбуй авэла тэ росԥэнэс лэ врачости, кай ту отԥэндёс тэ пэрэшос о рат, сар во исин, и кадяжэ отԥэндёс тэ пэрэшос и эритроцыторя или лейкоцыторя, или тромбоцыторя, или плазма.
