И мануша по разному диқэн пэ кода, трэбуй тэ пэн чи най или скати тэ пэн. Дэсавэ набут пэн, кала бэшэн лэ друӷонэнца. Дэко пэл кадя, кай матёл, ай авэр совсем на пэн. Ай со пала спиртни напиткоря андэ Библия пистромэ?

1. Можно чи най тэ пэн?

Андэ Библия на ԥэнэнпэ, кай нащи тэ пэн. Андэр латэ пистромэ, кай о вино, када ек анда бут подаркоря, савэ о Дэл дя лэ манушэнди. Андэ Библия пистромэ, кай о вино радуий «лэ манушэско ди» (Псалом 104: 14, 15). Дэсавэ мануша, пала савэ пистромэ андэ Библия, пэнас спиртни напиткоря (1 Тимофею 5:23).

2. Саво совето исин андэ Библия пала спиртни напиткоря?

Лэ Иеговасти фартэ на чалёл, кала о мануш бут пэл и кала матёл (Галатам 5:21). Андэ Библия пистромэ: «На ав машкар кодэла, ко фартэ бут пэл вино» (Притчи 23:20). Важ када, если о мануш камэл тэ пэл варикаса или екжэно, во трэбуй тэ погиндой акэ пала со. Кала во пэла, лэстэ о шэро всаек трэбуй драго тэ терэл, во трэбуй драго тэ полэл, сар дэл дума и сар андярэл пэс, ай кадяжэ, кай лэстэ посли када тэ ашэлпэ лашо зор. Если лэ манушэсти ԥарэс тэ ритярэл пэстири мера, тоди фэдэр совсем тэ отԥэндёл тэ пэл.

3. Сар тэ сыкавэс, кай стос патив пэ кода, со витидэн авэр?

Кажно мануш трэбуй екжэно тэ витидэл, пэла во чи най. Амэ на трэбуй тэ сындосарас кодэлэн, ко по набут пэл, но ӷанэн пэстири мера. Но нащи тэ застависарас тэ пэн, кала вонэ на камэн када тэ терэн (Римлянам 14:10). Фэдэр о мануш совсем тэ на пэл, если ӷанэн, кай через када аврэндэ авэна проблемы. (Адиносар Римлянам 14:21.) Трэбуй тэ родас «лашимос най важ пэстэ, ай важ авэр». (Адиносар 1 Коринфянам 10:23, 24.)

 УӶАНАМ МАЙ БУТ

4. Витидэ, ту пэса спиртни напиткоря чи най

Сар о Иисусо диқэлас пэ кода, кала пэн? Кай тэ полас када, сгиндосарам, сави пэрво чуда стердя о Иисусо. Адиносарам Иоанна 2:1—11 и подам дума пала вопросоря, савэ май тэлэ.

• Сар анда кода, со стердя о Иисусо, дицол, со во гиндой пала кодэла, ко пэл и пала алкоӷолё.

• Если о Иисусо на ԥэнэнас, кай када найдраго, кала о мануш набут пэл, тоди сар амэнди трэбуй тэ диқас пэ кодэва, ко пэл алкоӷолё.

Хоть и христианоря моӷут тэ пэн, исин время, кала фэдэр када тэ на терэн. Адиносарам Притчи 22:3 и погиндосарам, пэла о мануш чи най, кала:

• во камэл тэ ладэл екжэно пала рулё или тэ терэл пэ варисави техника,

• вой виԥиравэл лэ бэятос,

• лэсти о врачо ԥэндя будэр тэ на пэл совсем,

• лэсти ԥарэс тэ на пэл бут,

• лэсти нащи тэ пэл по законо котэ, кай во жувэл,

• во камэл тэ побэшэл манушэса, саво совсем на пэл, важ кода кай варикала кай кодэва мануш сас кадэлэса проблемы.

Трэбуй чи най тэ авэн и спиртни напиткоря по ябьяв или кала тидэнпэ тэ побэшэн? Тэ полас када поможыя кадэва видео. Диқам о ВИДЕО.

Адиносарам Римлянам 13:13 и 1 Коринфянам 10:31, 32. Спэрва проадиносар о стихо анда Римлянам и дэ атвето по вопросо, саво май тэлэ. Ай потом проадиносар и стихоря анда 1 Коринфянам и кадяжэ дэ атвето по вопросо.

• Сар тути поможыя кадэва принцыпо тэ прилэс и ришэния, сави чалёла лэ Иеговасти?

 5. Стов важ пэстэ мера

Хоть о Иегова на ԥэнэн, кай нащи тэ пэн, но во ԥэнэн, кай нащи тэ пэн фартэ бут. Васо? Адиносарам Осия 4:11, 18 и подам дума пала вопросо, саво май тэлэ.

• Со можэт тэ авэл, кала о мануш пэрэпэл?

Со тэ терэл о мануш, кай тэ на пэл лишнё? Трэбуй тэ на гиндос пала пэстэ бут и тэ ӷанэс, кала хутила. Адиносарам Притчи 11:2 и подам дума пала вопросо, саво май тэлэ.

• Васо трэбуй тэ ӷанэс, кала хутила?

6. Со поможыя, кай о мануш тэ на пэл фартэ бут?

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай о Иегова дя и спиртни напиткоря, кай кала подпас, тэ авэл амэнди драго кадэлэстар. Но о Дэл сындой кодэлэн, ко фартэ бут пэл и ко матёл.

Сар ту гиндос?

• Со андэ Библия пистромэ пала спиртни напиткоря?

• Васо опасно, кала о мануш фартэ бут пэл?

• Сар тэ сыкавэс, кай стос патив пэ кода, со витидэн авэр?