44 ӶЛАВА
Всаворэ празникоря уӷодни лэ Дэвлэсти чи най?
О Иегова камэл, кай амэ тэ радосавас ла жызняти и амэндэ тэ авэн празникоря. Но всаворэ празникоря чалён лэсти? Сар амэнди тэ сыкавас, кай амэ любисарас лэ Иеговас, кала камас тэ стас мисяйля важ варисо?
1. Васо най всаворэ празникоря уӷодни лэ Иеговасти?
Можэт тумэ удивинапэ, но бут празникоря най па кода, сости сытярэл и Библия, ай дэсавэ жылэ анда хохавнэ веры. Инке бут празникоря сԥанглэ бэнгалимаса или кодэлэса, кай и мануша патян, кай посли смэрть о мануш всаек варикай жувэл. Дэсавэ празникоря линэ тэ терэн, важ кода кай патян андэ суеверии или патян андэ кода, кай если вонэ на стона мисяйля важ варисо, тоди терэлапэ варисо вэрыто (Исайя 65:11). О Иегова ԥэнэн пэстирэ служытелёнэнди: «Вижан лэндар... и будэр на лэнпэ каринг о найвужимос» (2 Коринфянам 6:17) a.
2. Сар о Иегова диқэл пэ празникоря, савэ анэн слава лэ манушэнди?
О Иегова ԥэнэн, кай опасно тэ надеисавас по мануш. (Адиносар Иеремия 17:5.) Дэсавэ празникоря прославляют лэ барэ манушэн андэ страна или лэ халавдэн. Авэр празникоря стердэ, кай и страна ашэля независимо или важ нацыональни символоря, например, флаӷоря (1 Иоанна 5:21). Ай исин празникоря, савэ терэн важ политически или соцыальни движэнии. Со авелоп по ди кай о Иегова, если амэ тэ прославляем варисавэ манушэс или арӷанизацыя, савэ ԥэнэн тэ терэн кода, сар вонэ камэн, но када на сжалпэ лэ Дэвлэстирэ гиндонэнца?
3. Сави поведения можэт тэ римой о празнико?
Андэ Библия пистромэ, кай о Дэл сындой, кала и мануша матён, ай тоди терэн варисо абисо (1 Петра 4:3). Дэкала пэ празникоря и мануша нащи ритярэн пэс андэ вас, ай кадяжэ терэн билажавардимос. Кай тэ ашэспэ лэ Иеговастирэ друӷоса, трэбуй, кай тутэ тэ на авэл кацави найлащи поведения.
УӶАНАМ МАЙ БУТ
Андэ кадэя ӷлава амэ уӷанаса, сар тэ уӷодис лэ Иеговасти, кала прилэс ришэния пала варисаво празнико.
4. Отԥэндён лэ празниконэндар, савэ на чалён лэ Иеговасти
Адиносарам Эфесянам 5:10 и подам дума пала вопросоря, савэ май тэлэ.
-
Со поможыя тэ полэс, лэса ту тэ справис кадэва празнико чи най?
-
Савэ празникоря празнуют пэ тумарэ краёря?
-
Сар ту гиндос, кадэла празникоря чалён лэ Иеговасти?
Сар ту гиндос, сар о Иегова диқэл пэ кода, кала празнуин день рождения? Андэ Библия никай на ԥэнэнпэ, кай лэ Иеговастирэ служытеля тэ празнуин лэс. Но андэр латэ пистромэ пала дуй день рождении, савэ терэнас кодэла, ко на служыяс лэ Иеговасти. Адиносарам Бытие 40:20—22 и Матфея 14:6—10 и подам дума пала вопросоря, савэ май тэлэ.
-
Со ек машкар кадэла дуй день рождении?
-
Со о Иегова гиндой пала день рождения, сар дицол анда кадэла стихоря?
Но можэт ту гиндос: «Чаче важ о Иегова най всаек, празную мэ день рождения или авэр небиблейско празнико?» Адиносарам Исход 32:1—8. Тоди диқам о ВИДЕО и подам дума пала вопросоря, савэ май тэлэ.
-
Васо трэбуй тэ полэс, уӷодно кадэва празнико лэ Иеговасти чи най?
-
Сар тэ уӷанэс, со о Дэл гиндой пала кадэва празнико?
Сар тэ уӷанэс, со о Дэл гиндой пала варисаво празнико?
-
Кадэва празнико анда Библия? Кай тэ полэс када, уӷан, катар жыля кадэва празнико?
-
Кадэва празнико прославляет варисавэ манушэс, арӷанизацыя или нацыонально символо? Со май бари патив ашэл кати о Иегова. Кати во улэла вся о ԥаримос.
-
Кода, сар прожал кадэва празнико, сжалпэ или най лэ закононэнца, савэ запистромэ андэ Библия? Амэнди трэбуй тэ ашаспэ вужэ англа Дэл.
5. Андяр пэс кадя, кай авэр тэ стон патив пэ кода, андэр со ту патяс
Ԥарэс тэ ԥэнэс аврэнди, кай ту на терэса празнико, саво нэ уӷодно лэ Иеговасти, кала вонэ пэр тутэ тасавэн. На грабисав и ковлэс росԥэн, васо ту лэс на празнуис. Дик, сар када тэ терэс. Диқам о ВИДЕО.
Адиносарам Матфея 7:12 и подам дума пала вопросоря, савэ май тэлэ.
-
Сар пистромэ андэ кадэва стихо, трэбуй ту тэ ԥэнэс пэстирэ родости, савэ на полэн лэ Иеговас, кай вонэ тэ на терэн варисавэ празникоря?
-
Сар тэ сыкавэс пэстирэ родости, кай ту лэн любис и кай вонэ тути куч, хоть ту лэнца и нэ празнуис варисаво празнико?
6. О Иегова камэл, кай амэ тэ авас бахталэ
О Иегова камэл, кай амэ драго тэ проандярас и время пэстирэ родоса и лэ друӷонэнца. Адиносарам Экклезиаст 8:15 и подам дума пала вопросо, саво май тэлэ.
-
Сар анда кадэва стихо дицол, кай о Иегова камэл, кай амэ тэ авас бахталэ?
О Иегова камэл, кай лэстирэ служытеля тэ радуинпэ ла жызняти и драго тэ проандярэн и время. Када сыкавэн амарэ международни канӷрэсоря. Диқам о ВИДЕО и диқам, кай када кадя и исин.
Адиносарам Галатам 6:10 и подам дума пала вопросоря, савэ май тэлэ.
-
Хэба кати кодэлэса, кай справис и празникоря ту лэса тэ уӷодис аврэнди?
-
Со тути анэн май бари радость, кала ту дэс подаркоря, важ кода кай кадя трэбуй, чи важ кода кай екжэно камэс?
-
Бут лэ Иеговастирэ свидетеля терэн важ пэстирэ бэяцэ празникоря и дарин лэнди райканэ подаркоря. Если тутэ исин бэяцэ, погиндосар, со ту можэш важ лэндэ тэ стерэс.
ТУТИ ВАРИКО МОЖЭТ ТЭ ԤЭНЭН: «Без разницы, катар кадэва празнико, ӷлавно, кай акана амэ тидаспэ, хас и пас лэ манушэнца».
-
Со ту ԥэндоп пэ кадэла алава?
ПАЛА СО АМЭ ДЯМ ДУМА?
Анда кадэя ӷлава амэ уӷанглям, кай о Иегова камэл, кай амэ драго тэ проандярас и время амарэ родоса и лэ друӷонэнца. Но во на камэл, кай амэ тэ шас и мисяйля важ варисо, со лэсти нэ уӷодно.
Сар ту гиндос?
-
Савэ вопросоря поможына тэ полэс, сар о Иегова диқэл пэ варисавэ празникоря?
-
Сар тэ росԥэнэс пэстирэ родости и лэ друӷонэнди, васо ту на стос и празникоря?
-
Катар амэ ӷанас, кай о Иегова камэл, кай амэ тэ авас радосни и кай драго тэ проандярас и время?
ДИК ИНКЕ
Уӷан, савэ празникоря на терэн и чачунэ христианоря.
«Васо лэ Иеговастирэ свидетеля на терэн дэсавэ празникоря?» (статья по сайто)
Васо амэ гиндосарас, кай кала празнуин день рождения, када на чалёл лэ Дэвлэсти. Уӷан пала штар маменторя.
«Васо лэ Иеговастирэ свидетеля на празнуин день рождения?» (статья по сайто)
Дик, сар и бэяцэ моӷут тэ радуин лэ Иеговас, кала жан празникоря.
Милионоря христианоря витидэ тэ на празнуин о Рождество. Васо вонэ када витидэ?
«Они нашли нечто лучшее» («Сторожэво башня» лэ 1 декабрёстар пала 2012 бэрш)
