Мануша, савэ найдэлмут жэнисайлэ, камэн, кай лэндэ кадэя радость тэ на прожал. Адес исин бут христианоря, савэ дэлмут жэнати, но всаек ашэнпэ радосни и бахталэ, важ кода кай жувэн па Библия.

1. Со андэ Библия пистромэ важ о хулай?

О Иегова стодя лэ муршэс, кай во тэ авэл хулай андо ери. (Адиносар Эфесянам 5:23.) И о Дэл камэл, кай о хулай тэ прилэл кацавэ ришэнии, савэ анэна лашимос важ вся ери. Андэ Библия пистромэ: «На парашэн тэ любин пэстирэ хулаян» (Эфесянам 5:25). Сар дицол, кай о хулай полэл ла хулая? Во пативалэс андярэл пэс ласа англа миро и кала вонэ дуйжэнэ. Во старыийпэ тэ фэрий ла любона бидатар, старыийпэ, кай латэ по ди тэ авэл драго и тэ авэл вся, со трэбуй важ и жызня (1 Тимофею 5:8). Но май важно всаворэстар, кай о хулай тэ диқэл, кай лэстиря хулаятэ тэ авэл лащи дружба лэ Дэвлэса (Матфея 4:4). Например, во можэт тэ мангэлпэ и тэ адиной ласа и Библия. Кала о хулай полэл пэстиря хулая, тоди и лэстэ авэла лащи дружба лэ Иеговаса. (Адиносар 1 Петра 3:7.)

2. Со андэ Библия пистромэ важ и хулаи?

Андэ Библия пистромэ, кай «ла хулаяти трэбуй тэ стол бари патив по хулай» (Эфесянам 5:33). Андар со када дицол? Вой сэрэл, со лашо исин андо лэско характеро. Сэрэл скати зор во пристол, кай тэ заботийпэ пала латэ и пала бэяцэ. Ай если во загиндосардя тэ стерэл варисави дила, вой поможыя, кай лэстэ када тэ вижал. Кадяжэ вой ковлэс и пативалэс дэл дума лэса или варикаса важ лэстэ, дажэ если лэстэ пэстири вера.

3. Со трэбуй тэ терэл о хулай и хулаи, кай лэнго брако тэ авэл инке май састо?

Андэ Библия пала хулай и хулаи пистромэ, кай «вонэ ашэна, сар ек» (Матфея 19:5). Када сыкавэл, кай вонэ вся и время старыинапэ тэ полэн и тэ цэнин ек еқэс. Важ када лэнди трэбуй тэ проандярэн май бут время вмести и тэ росԥэнэн ек еқэсти вся, со по ди. Важ о хулай и хулаи со май ӷлавно андэ жызня трэбуй тэ авэл о Иегова. Ай посли лэстэ вонэ трэбуй со май фартэ тэ цэнин ек еқэс, ай най варикас или варисо. Инке о хулай и хулаи трэбуй драго тэ диқэн, кай важ лэндэ тэ на авэл май куч авэр мурш или жувли.

 УӶАНАМ МАЙ БУТ

4. Хулай, заботисав и полэ пэстиря хулая

5. Хулаи, полэ и стов патив по пэско хулай

Андэ Библия пистромэ, кай дажэ если о хулай на служый лэ Иеговасти, вой всаек трэбуй тэ стол патив пэр лэстэ. Адиносарам 1 Петра 3:1, 2 и подам дума пала вопросоря, савэ май тэлэ.

• Если тиро хулай на патял туса андо ек Дэл, тоди ту, канешно, камэс, кай во тэ закамэл тэ полэл лэ Иеговас. Со ту важ када можэш тэ терэс? Вся и время тэ росԥэнэс лэсти пала Иегова или фэдэр тэ андярэс пэс лэса кадя, кай во тэ диқэл, кай ту полэс лэс и стос пэр лэстэ патив? Росԥэн, васо ту кадя гиндос.

Драго, кала хулай и хулаи вмести прилэн ришэнии. Но дэкала можэт тэ авэл кацаво, кай и хулаи нэ соӷласна кодэлэса, со ԥэнэн лако хулай. Со тоди лати тэ терэл? Вой можэт спокойно  и ковлэс тэ подэл дума лэса, кай тэ росԥэнэн, со вой гиндой пала када. Но лати трэбуй тэ сэрэл, кай о Иегова дя лэ хуласти и власть тэ ришает, со вонэ лэна тэ терэн. И если вой подритярэла лэстири ришэния, тоди андо ери всаворэнди авэла спокойно и драго. Адиносарам 1 Петра 3:3—5 и подам дума пала вопросо, саво май тэлэ.

• Со по ди кай о Иегова, кала и хулаи стол патив по пэско хулай?

6. Ту сможэш тэ улэс и проблемы андо брако

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай о хулай и хулаи авэна бахталэ, если лэна тэ полэн и тэ стон патив ек пэ ек. Ай кадяжэ, если лэна тэ терэн кадя, сар пистромэ андэ Библия.

Сар ту гиндос?

• Кай о ери тэ авэл май бахтало, со трэбуй тэ терэл о хулай?

• Кай о ери тэ авэл май бахтало, со трэбуй тэ терэл и хулаи?

• Если ту жэнато чи миростэ, саво совето анда Библия поможыя, кай тумаро брако тэ авэл инке май састо?