55 ӶЛАВА

Со амэ можэм тэ терас важ пэсти собрания?

ВОСПРОИЗВЕСТИ

Милионоря лэ Иеговастирэ свидетеля анда оди, па вся и ԥув служын андэ тысячи собрании. Вонэ цэнин и обучения и о руковоцтво, саво лэнди дэн пэ собрании. Вонэ старыинпэ бут со тэ терэн важ пэсти собрания. Ай тутэ кацаво жэ андо ди сар лэндэ?

1. Сар ту можэш тэ отдэс пэсти время и о зор важ и собрания?

Кажно можэт тэ стерэл варисо лашо важ и собрания. Погиндосар, исин андэ тири собрания и мануша, савэ андэ бэршэндэ или, кастэ ужэ нинай зор екжэно тэ заботийпэ пала пэстэ. Ту можэш тэ поможыс лэнди кодэлэса, кай поприлэса лэндэ андо цэр, тинэса лэнди кода, со трэбуй важ и жызня или поможыса лэнди тэ авэн пэ собрания. (Адиносар Иакова 1:27.) Ту можэш, если закамэса, тэ прилэс андо Зало Царства или тэ диқэс пала лэстэ. Амэ камас тэ поможысарас, важ кода кай любисарас лэ Дэвлэс и манушэн андэ собрания (Псалом 110:3).

И свидетеля, савэ ужэ болделэ, май бут моӷут тэ поможын андэ собрания. И ԥрала, савэ драго ритярэн лэ Дэвлэско законо и жувэн па библейски принцыпоря, моӷут тэ служын, сар помошникоря андэ собрания, ай через и время тэ авэн старейшыноря. И ԥрала и ԥэя моӷут тэ служын, сар пианероря, када бут тэ росԥэнэн пала Дэл. Дэсавэ свидетеля моӷут тэ поможын тэ строин Залоря Царства чи тэ пэрэладэн кордэ, кай трэбуй авэр помощь.

2. Сар амэ можэм тэ поможысарас ла собранияти лэ ловэнца или пэстирэ мищимаса?

Амэ можэм тэ сыкавас, кай о Иегова важ амэндэ куч, кала дас лэсти кода, со амэндэ исин и со куч важ амэндэ (Притчи 3:9). Амэ анда оди жэртвуем и ловэ и о мищимос важ и собрания, и важ кода, кай и проповедь тэ жал па вся и ԥув. (Адиносар 2 Коринфянам 9:7.) Кода, со амэ дас, жал пэ кода, кай тэ дэн помощь кодэлэнди, ко попэля андэ бида, сави сас андэ природа. Бут андар мэндэ отстон и ловэ важ и пожэртвовании. (Адиносар 1 Коринфянам 16:2.) Тэ шас пэстирэ ловэ амэ можэм андо ящико, саво исин андо Зало Царства чи тэ терас када по сайто donate.pr418.com. Кала амэ дас анда оди, амэ сыкавас, кай любисарас лэ Иеговас.

УӶАНАМ МАЙ БУТ

Андэ кадэя ӷлава амэ уӷанаса, сар амэ можэм тэ поможысарас андэ собрания.

3. Можэм тэ поможысарас лэ ловэнца

О Иегова и о Иисусо любин кодэлэн, касти чалёл тэ терэн варисо лашо важ авэр. Важ када о Иисусо росԥэндя пала ек чороры ԥивли. Латэ сас совсем набут ловэ, но вой всаек шутя лэн важ о Иегова. Адиносарам Луки 21:1—4 и подам дума пала вопросоря, савэ май тэлэ.

Трэбуй амэ тэ жэртвуем кати барэ ловэ, кай тэ уӷодисарас лэ Иеговасти?
Со по ди кай о Иегова и кай о Иисусо, кала терас пожэртвовании анда вся оди?

Кай тэ уӷанас, каринг жан амарэ ловэ диқам о ВИДЕО. Тоди подам дума пала вопросо, саво май тэлэ.

ВИДЕО: «Кода, со амэ дас лэ Иеговасти» (4:47)

Сар амарэ ловэ поможын лэ ԥралэнди и лэ ԥэянди па вся и ԥув?

4. Ту кадяжэ можэш тэ поможыс

Андэ библейско время лэ Иеговастирэ служытеля пристонас бут зор, кай котэ, кай вонэ тидэнаспэ тэ тэлён лэ Иеговасти, тэ авэл достойно. Важ када вонэ най кати дэнас и ловэ. Адиносарам 2 Летопись 34:9—11 и подам дума пала вопросо, саво май тэлэ.

Сар кажно израильтянино моӷ тэ заботийпэ пала лэ Иеговаско храмо?

Андэ амарэ деса лэ Иеговастирэ свидетеля терэн кадя жэ сар и израильтяноря. Диқам о ВИДЕО и подам дума пала вопросоря, савэ май тэлэ.

ВИДЕО: «Диқас пала Залоря Царства, кай тэлювас лэ Дэвлэсти» (3:31)

Васо трэбуй, кай андо Зало Царства тэ авэл вужо и тэ авэл ремонто?
Сар ту можэш тэ поможыс?

5. Со моӷут тэ терэн и ԥрала?

Андэ Библия пистромэ, кай авелоп драго, кай и ԥрала тэ терэн бут дила андэ собрания. Акэ ек примеро. Диқам о ВИДЕО и подам дума пала вопросо, саво посли видео.

ВИДЕО: «Ԥрала, старыинпэ май бут тэ терэн андэ собрания» (5:19)

Со стердя о ԥрал, кай май бут тэ поможый андэ собрания?

Андэ Библия пистромэ, со трэбуй тэ терэн и ԥрала, савэ камэн тэ авэн помошникоря андэ собрания или старейшыноря. Адиносарам 1 Тимофею 3:1—13 и подам дума пала вопросоря, савэ май тэлэ.

Со трэбуй тэ терэн и ԥрала, савэ камэн тэ авэн помошникоря андэ собрания или старейшыноря?
Со трэбуй тэ терэн лэндирэ еря? (Диқэн о стихо 4 и 11.)
Сар па собрания дицол, кай и ԥрала старыинпэ тэ терэн кадя, сар пистромэ андэ кадэла стихоря?