56 ӶЛАВА
Терэн вся, кай тэ ладин и тэ полэн ек еқэс андэ собрания
Кала амэ диқаспэ лэ ԥралэнца и лэ ԥэянца анда собрания, амэндэ кацаво жэ по ди, сар сас кай о царё Давидо, саво ԥэндя: «Саво лашимос и сар дэ драго по ди кодэлэстар, кала и ԥрала жувэн еқэҭанэ и драго полэн ек еқэс!» (Псалом 133:1). Андэ собрания авэла ладо, кати если всаворэ пристона о зор важ када.
1. Соса особено лэ Дэвлэско народо?
Андэ сави бы страна амэ тэ на авас пэ собрания, дажэ если на полас и шыб, амэ ласа чуствовать пэс сар цэрэ. Васо кадя? Важ кода кай па вся и ԥув амэ сытювас па Библия па ек проӷрама, ай кадяжэ любисарас ек еқэс. Нэважно, кай амэ жувас, ӷлавно, кай амэ служысарас еқэ Дэвлэсти, лэ Иеговасти (Софония 3:9).
2. Со кажно андар мэндэ можэт тэ стерэл, кай андэ собрания тэ ладин?
Андэ Библия ԥэнэнпэ: «Фартэ и анда вся оди любин ек еқэс» (1 Петра 1:22). Амэ всаворэ нэсовершэни, и важ када фэдэр тэ старысавас тэ диқас андэ ԥрала и ԥэя ек о лашимос. Кадяжэ тэ проандярас и время разнонэ манушэнца анда собрания, ай най кати пэстирэ друӷонэнца. И инке амэ всаворэ трэбуй тэ старысавас тэ улас анда пэско ди вэрыти гиндоря пала авэр. (Адиносар 1 Петра 2:17.) a
3. Со тэ терэс, если тути ԥарэс тэ ладис варикаса андэ собрания?
Амэ ладисарас ек еқэса. Но всаек амэ нэсовершэни, и дэкала холярас аврэн или через амэндэ лэнди ашэл ԥарэс по ди. Важ када андэ Библия пистромэ: «Анда вся оди простин ек еқэс... Сар о Иегова анда вся оди простисардя тумэн, кадяжэ простин и тумэ». (Адиносар Колоссянам 3:13.) О Иегова на парашэл тэ простий амэн, хоть амэ часто терас варисо най кадя. Важ када во камэл, кай и амэ тэ прощяем аврэн. Если ту диқэс, кай ту варикас холярдян, тоди пэрво пашув, кай тэ поладис. (Адиносар Матфея 5:23, 24.) b
УӶАНАМ МАЙ БУТ
Андэ кадэя ӷлава амэ уӷанаса, со кажно андар мэндэ можэт тэ терэл, кай андэ собрания тэ авэл ладо и тэ авэн ек пала еқэстэ.
4. На гиндосар пала авэр вэрыто
Амэ камас тэ любисарас всаворэн ԥралэн и ԥэян андэ собрания. Но амэнди можэт тэ авэл ԥарэс када тэ терас, если о мануш фартэ отличаеца амэндар. Со тоди тэ терас? Адиносарам Деяния 10:34, 35 и подам дума пала вопросоря, савэ май тэлэ.
-
Андэ лэ Иеговаско ери исин разни мануша. Тоди сар ту лэса тэ диқэс пэ мануша, савэ анда авэр нацыи, или пэ мануша, савэ май чорорэ или май барвалэ тутар?
-
Сар диқэн и дэн дума пала мануша котэ, кай ту жувэс? Васо ту на камэс тэ гиндос кадя жэ?
Адиносарам 2 Коринфянам 6:11—13 и подам дума пала вопросо, саво май тэлэ.
-
Со тути поможыя тэ любис всаворэн андэ собрания, дажэ если варико совсем най кацаво сар ту?
5. Тер, кай тэ авэл мирно аврэнца и анда вся оди простисар аврэн
О Иегова никала на авэла англа мэндэ дошало, и никала на авэла кацаво, кай амэ лэс тэ простисарас. Но екжэно во вся и время ӷотово амэн тэ простий. Адиносарам Псалом 86:5 и подам дума пала вопросоря, савэ май тэлэ.
-
Со пистромэ андо стихо пала кода, кай о Иегова простий?
-
Цэнис ту, кай о Иегова простий? Росԥэн.
-
Кала бывает ԥарэс тэ ладис варикаса?
Сар ту можэш тэ терэс кадя, сар терэл о Иегова и со тэ терэс, кай андэ собрания тэ авэл ладо? Адиносарам Притчи 19:11 и подам дума пала вопросо, саво май тэлэ.
-
Со ту можэш тэ стерэс, кай тэ авэл ладо, кала тут варико холярэл или терэл ԥарэс ди?
Диқам о ВИДЕО и подам дума пала вопросо, саво май тэлэ.
Дэкала амэндэ кадя вижал, кай холярас аврэн. Со тоди тэ терас?-
Со стердя кадэя ԥэй, кай тэ поладий авря ԥьяса?
6. Старысав тэ диқэс андэ ԥрала и ԥэя ек о лашимос
Кала амэ уӷанас май пашэ лэ ԥралэн и ԥэян, амэ лас тэ диқас андэр лэндэ и о лашимос и о найлашимос. Со поможыя амэнди май фартэ тэ шас сама по лашимос, саво андэр лэндэ исин? Диқам о ВИДЕО и подам дума пала вопросо, саво посли видео.
-
Со поможыя тути тэ диқэс пэ ԥрала и ԥэя лащя ригатар?
О Иегова со май фартэ шол сама пэ кода, со исин андэр мэндэ лашо. Адиносарам 2 Летопись 16:9 (пэрво часть) и подам дума пала вопросо, саво май тэлэ.
-
Иегова май бут шол сама по тиро лашимос, ай най по найлашимос. Со тутэ по ди кодэлэстар?
ТУТИ ВАРИКО МОЖЭТ ТЭ ԤЭНЭН: «Мэк спэрва затерэл, кай мэ лэс тэ простисарав».
-
Васо амэ трэбуй анда оди тэ простисарас аврэн?
ПАЛА СО АМЭ ДЯМ ДУМА?
Анда кадэя ӷлава амэ уӷанглям, кай если кажно андар мэндэ лэла тэ простий и пэ дила тэ сыкавэл пэстири любовь каринг всаворэ ԥрала и ԥэя, тоди андэ собрания авэла ладо.
Сар ту гиндос?
-
Со тэ терэс, кай тэ парашэс тэ гиндос пала авэр вэрыто?
-
Со ту терэса, если варикаса андэ собрания ту на ладиса?
-
Васо ту камэс тэ простис кадя, сар о Иегова?
ДИК ИНКЕ
Диқам, сар ек примеро, саво росԥэндя о Иисусо, поможый тэ парашас тэ сындосарас аврэн.
Трэбуй ту тэ мангэс прощения, кала нисо вэрыто на стердян?
«Извинения — ключ к примирению» («Сторожэво башня» лэ 1 ноябрёстар пала 2002 бэрш)
Уӷан, сар дэсавэ мануша сытелэ тэ диқэн пэ авэр еқэндар.
Уӷан, сар тэ ладис лэ ԥралэнца и лэ ԥэянца, кай тэ авэл мирно андэ собрания.
«Улаживайте разногласия в духе любви» («Сторожэво башня» важ о маё пала 2016 бэрш)
a Андэ Ссылка 6 пистромэ, сар трэбуй тэ андярэл пэс о мануш, савэстэ исин инфекцыоно насвалимос, саво можэт тэ пэрэдэлпэ аврэсти.
b Андэ Ссылка 7 пистромэ, со тэ терас, кай мирно тэ ришаем и вопросоря пала бути и юридически вопросоря.