Кадэя книжка поможыя тути тэ арақэс и библейски стихоря, савэ анэна лашымос андэ разни ситуацыи. Кадяжэ ту сможэш тэ подритярэс аврэн и тэ поможыс лэнди тэ прилэн кацави ришэния, кай о Иегова тэ ашэл инке май ашунгло. Тэ сытёс па кадэя книжка вушэро. Витидэ и тема, сави тути трэбуй, и погиндосар пала вопросоря и библейски стихоря, савэ котэ пистромэ. (Дик и рамка  «Сар тэ сытёс па кадэя книжка».) И гиндоря анда лэ Дэвлэско Алав подритярэна тут, и ту додиқэса бут лашэ советоря. Кадяжэ ту виарақэса бут сомнак андэ Библия, кай тэ придэс зор и тэ поможыс аврэнди.

Андэ кадэя книжка призындярдёнпэ най всаворэ библейски стихоря па варисави тема, ай кати ӷлавни. Кай тэ виарақэс авэр стихоря, дик и перекрёсни ссылки и каминтарии андэ «Учебно Библия» андо переводо «Новый мир» пэ руско шыб. Кай инке май бут тэ уӷанэс пала варисаво стихо анда Библия, дик «Справочнико па публикацыи кай лэ Иеговастирэ свидетеля» и «Списко па темы андэ публикацыи кай лэ Иеговастирэ свидетеля» (Пр 2:1—6). Витидэ кодэла публикацыи, савэ вимэклэ найдэлмут, кай тэ уӷанэс, сар акана амэ полас библейско чачимос.

Мэк кадэя книжка поможый тути тэ ашэс мудро и май драго тэ полэс и Библия. Кала ту лэса тэ адинос ла, ту полэса, кай «о алав лэ Дэвлэстар жундо и фартэ зорало» (Евр 4:12).