О Дэл камэл, кай всаворэ мануша тэ авэн май пашэ каринг лэстэ через и молитва (Псалом 65:2). Но во ашунэл най всаворэ молитвы. Например, во на ашунэл и молитва лэ манушэстири, саво найдраго обжалпэ пэстиря хулаяса (1 Петра 3:7). О Дэл на ашунэлас лэ израильтянонэн, кала вонэ на парашэнас тэ терэн о найлашимос. Но во ашунэл кодэлэн, ко каийпэ андэ пэстирэ ӷрехоря. Важно тэ сэрас, кай тэ мангаспэ лэ Дэвлэсти, када бари честь. (Адиносар Исаия 1:15; 55:7.)

Дик видео «Ашунэл ли о Дэл всаворэ молитвы?».

Тэ мангаспэ трэбуй кати лэ Иеговасти, важ кода кай во ек чачуно Дэл и амаро Создателё (Матфея 4:10; 6:9). Но важ кода кай всаворэ амэ ӷрешни, тэ мангаспэ трэбуй через о Иисусо, саво муля важ амарэ ӷрехоря (Иоанна 14:6). О Иегова на камэл, кай амэ тэ заучиваем и молитвы или тэ адиносарас лэн. Во камэл, кай амэ тэ мангаспэ лэсти анда оди. (Адиносар Матфея 6:7; Филиппийцам 4:6, 7.)

Амаро Создателё ашунэл дажэ кодэла молитвы, савэ амэ на ԥэнас вслух (1 Самуила 1:12, 13). Во камэл, кай амэ тэ мангаспэ лэсти андэ любо время. Например, тэсара, кала ущяс и рят, кала пэрас тэ совас. Кадяжэ тэ мангаспэ, кала бэшас тэ хас и кала амэндэ варисаво ԥаримос. (Адиносар Псалом 55:22; Матфея 15:36.)

Тэ ашас май пашэ каринг о Дэл найвушэро, важ кода кай машкар амэндэ жувэн и мануша, савэ на патян андо Дэл и савэ приасанпэ кодэлэстар, кай во дя алав тэ стерэл раё пэ  ԥув (2 Тимофею 3:1, 4; 2 Петра 3:3, 13). Важ када амэнди фартэ важно тэ проандярас и время кодэлэнца, ко патял андо Иегова и тэ подритярас ек еқэс. (Адиносар Евреям 10:24, 25.)

Амэ ашас май пашэ каринг о Дэл, кала проандярас и время кодэлэнца, ко лэс любий. И собрании кай лэ Иеговастирэ свидетеля поможын, кай амэ май фартэ тэ патяс андо Дэл. (Адиносар Римлянам 1:11, 12.)

Ту ашэса май пашэ каринг о Иегова, если лэса тэ гиндос пала кода, со уӷанэс анда Библия. Важ када гиндосар пала лэстири дила, законоря и алава. Кадя ту полэса, пэ скати во дэ любящё и дэ мудро Дэл. (Адиносар Иисус Навин 1:8; Псалом 1:1—3.)

Ту можэш тэ ашэс май пашэ каринг о Дэл, кати сар лэса тэ патяс лэсти и сыкавэса када пэ дила. И вера шолпэ по цвито, пэ саво трэбуй тэ шос паи, кай во тэ барёл. И вера кадяжэ трэбуй тэ барярэс. Важ када тути трэбуй тэ гиндос, васо ту патяс, кай о чачимос андэ Библия. (Адиносар Матфея 4:4; Евреям 11:1, 6.)

О Иегова диқэл пала кодэла, ко лэс любий. Во фэрий амэн всаворэстар, состар амэ можэм тэ парашас тэ патяс и тэ хасарас и вечно жызня (Псалом 91:1, 2, 7—10). О Дэл ԥэнэн амэнди тэ фэрисавас кодэлэстар, со римой о зор и со на дэл тэ авас бахталэ. О Иегова поможый амэнди тэ жас со май лашэ дромэса андэ жызня. (Адиносар Псалом 73:27, 28; Иакова 4:4, 8.)