Со терэлас о Иисусо

Сости амэ сытювас кай о Иисусо

2. Если тэ сытярас просто, лэ манушэсти авэла май вушэро тэ запомнит кода, со во уӷанэн. Кадяжэ, када поможыя, кай о чачимос тэ лэл лэс лэ одестар.

 Тер кадя, сар о Иисусо

3. На дэ дума фартэ бут. На росԥэн сразу вся, со ӷанэс пала варисави тема. Фэдэр май бут шув сама пэ кода, со исин андэ книжка важ и изучения. Если задян вопросо, доаштярдюв о атвето. Если о изучающё на ӷанэн о атвето или ԥэнэн кода, со на сжалпэ ла Библияса, задэ лэсти инке вопросоря, кай тэ поможыс правильно вся тэ полэл. Сар кати о изучающё поля о ӷлавно гиндо, пэрэжа каринг авэр пункто.

4. Поможысар, кай о мануш тэ полэл, сар кода, со во ужэ ӷанэнас, сжалпэ кодэлэса, со во уӷангля акана. Например, англа кода, сар тэ розлэн и ӷлава пала воскресения, можно набут тэ вспомните, со о мануш ӷанэн пала кода, со терэлпэ лэ манушэнца, савэ мулинэ.

5. Дэ дума па примероря, но ав осторожно. Англа кода, сар тэ призындярэс варисаво примеро, погиндосар:

1.   а) Просто кадэва примеро чи най?

2.  б) Авэла лэ манушэсти вушэро лэс тэ полэл?

3.  в) Со запомнит о изучающё — о ӷлавно гиндо или кати о примеро?