•  Пэрви алава 2

•  «Сомнак анда Библия» 3—5

•  Речь 3

•  Виарақас сомнак анда Библия 4

•  Адиносар и Библия 5

•  «Сытювас май драго тэ росԥэнас важ о Дэл» 6—14

•  Залэ и дума 7

•  Поможысар, кай тэ авэл май баро интересо 8

•  Сытяр лэ манушэн 9

•  Росԥэн, андэр со патяс 10

•  Речь 11

•  Со трэбуй тэ авэл андэ задания 12

  •  Видео и публикацыи андэ задания 14

  •  «Христианско дром» 15, 16

  •  Изучения Библии андэ собрания 16

  •  Послидни алава 17

  •  Лашэ алава и совето 18

  •  Время 19

  •  Раёно барэдэр ԥрал 20

  •  Раёно или регионально канӷрэсо 21

  •  Вечеря 22

  •  Барэдэр ԥрал, саво диқэл пала встреча «Дром и служэния» 23

  •  Прицыдателё пэ встреча «Дром и служэния» 24

  •  Ԥрал, саво дэл советоря 25

  •  Дуйто зало 26

  •  Видео 27

1. О руковоцтво анда кадэва лил поможыя всаворэнди, ко участвует пэ встреча «Амаро христианско дром и служэния». Англа кода, сар тэ терэн пэстири задания, вонэ трэбуй тэ проадинон, со пала латэ пистромэ андэ тетрадка «Дром и служэния» и андэ кадэва лил. Трэбуй тэ побудин, кай всаворэ вазвещятеля тэ терэн задании. Кодэла, ко най вазвещятеля, тожэ моӷут тэ терэн задании (если вонэ патян андэ кода, сости сытярэл и Библия, и жувэн па христиански принцыпоря). Если о мануш, саво инке на ашэля вазвещятелё, ԥэндя, кай камэл тэ терэл задании, о барэдэр ԥрал, саво диқэл пала встреча «Дром и служэния», трэбуй тэ подэл дума лэса пала требовании, савэ исин важ када, ай потом тэ ԥэнэн лэсти, домэкэн лэс чи най. Тэ подэн дума пала када трэбуй англа вазвещятелё, саво проандярэл лэса изучения Библии (или англа родителё, саво лэ Иеговаско свидетелё). И требовании кацавэ жэ, сар и важ о мануш, саво камэл тэ ашэл некрещёно вазвещятелё (od-U ӷл. 8, абз. 8).

2. Ек минута. Посли дили и молитва о прицыдателё трэбуй тэ росԥэнэн, со авэла пэ собрания. Во трэбуй тэ проԥэнэн и ӷлавни гиндоря, кай лэ манушэнди тэ авэл май интересно тэ ашунэн и проӷрама.

 3. Речь (дэш минуты). И тема и о плано каринг и речь (дуй или трин ӷлавни пункторя) исин андэ тетрадка. Кадэя речь можэт тэ ԥэнэн барэдэр ԥрал или способно помошнико андэ собрания. Если па ӷрафико лэн тэ прожан нэви книжка анда Библия, трэбуй тэ сыкавэн о видео, саво исин каринг кадэя библейско книжка. О ԥрал, саво ԥэнэн кадэя речь, можэт тэ лэл и гиндоря анда видео, савэ поджан каринг и тема. Но во обязательно трэбуй тэ росԥэнэн и ӷлавни гиндоря анда плано, саво исин андэ тетрадка. Кадяжэ, если хутилэл время, во трэбуй тэ подэл дума пала картинки, савэ исин каринг кадэя речь. Если о ԥрал камэл, во можэт тэ виарақэл инке инфармацыя, сави поможыя лэсти май драго тэ росԥэнэн и ӷлавни гиндоря анда плано.

 4. Виарақас сомнак анда Библия (дэш минуты). Дума па вопросоря и атветоря. Пэрви и послидни алава тэ ԥэнэн на трэбуй. Кадэва пункто можэт тэ проандярэл барэдэр ԥрал или способно помошнико андэ собрания. О ԥрал трэбуй тэ задэл лэдуй вопросоря. Во можэт екжэно тэ витидэл, тэ заадиной всаворэ библейски стихоря, савэ исин каринг кадэла вопросоря, чи най. Кодэла, ко камэн тэ дэн каминтариё, трэбуй тэ стерэн када важ 30 секунд.

 5. Адиносар и Библия (штар минуты). Када задания важ о мурш. Во адиной котор анда Библия, саво пистромэ андэ тетрадка. Пэрви и послидни алава тэ ԥэнэн на трэбуй. Кай о прицыдателё пэ встреча исин цэль — када тэ поможый кодэлэнди, ко сытён, тэ адинон ӷрамотно, ӥто, естествено, тэ авэл правильно интонацыя, тэ полэн, со адинон, тэ стон паузы и правильно ударения па гиндоря. Через кода, кай и библейски стихоря моӷут тэ авэн май барэ или май цыкнэ, о ԥрал, саво дэл кадэя задания, трэбуй тэ шол сама, савэ способности кодэлэстэ, ко лэла тэ адиной.

6. Пятнацать минут. Кадэя часть андэ собрания прожал, кай кажнонэстэ тэ авэл возможность тэ уӷанэн, сар када — тэ ԥирэл андэ служэния, тэ сытёл тэ дэл дума лэ манушэнца и май драго тэ сытярэл и тэ росԥэнэн важ о Дэл. Если када трэбуй, и барэдэр ԥрала тожэ моӷут тэ терэн и задании. Кодэлэнди, ко сытёл, трэбуй тэ терэн и задании па урокоря анда брашура «Сытю май драго» или анда брашура «Любин лэ манушэн». Кадэла урокоря пистромэ андэ скобки паша задании. Андо ӷрафико можэт тэ авэл пункто, андэ саво моӷут тэ участвуют всаворэ, ко авеля пэ встреча. Кадэва пункто трэбуй тэ проандярэл барэдэр ԥрал или способно помошнико андэ собрания. (Пала кода, сар тэ проандярэн кацавэ пункторя, росԥэнэнпэ андо  абзацо 15.)

 7. Залэ и дума. Кадэя задания дэн муршэсти или жувляти. Если и задания динэ муршэсти, тоди лэско амал трэбуй тэ авэл мурш, ай если жувляти, тоди лако амал трэбуй тэ авэл жувли. Или лэндирэ амала моӷут тэ авэн варико анда лэнго ери. Кодэла, ко терэн и задания, моӷут тэ бэшэн чи тэ тердён. (Май бут пала кода, сар и со трэбуй тэ авэл андэ задания, диқэн андо  абзацо 12 и  13.)

 8. Поможысар, кай тэ авэл май баро интересо. Кадэя задания дэн муршэсти или жувляти. Если и задания динэ муршэсти, тоди лэско амал трэбуй тэ авэл мурш, ай если жувляти, тоди лако амал трэбуй тэ авэл жувли (km-U 5/97 7). Кодэла, ко терэн и задания, моӷут тэ бэшэн чи тэ тердён. Кодэва, кастэ и задания, трэбуй тэ сыкавэл, сар тэ продолжыт и дума, сави залинэ кода разо. (Май бут пала кода, сар и со трэбуй тэ авэл андэ задания, дик андо  абзацо 12 и  13.)

 9. Сытяр лэ манушэн. Кадэя задания дэн муршэсти или жувляти. Если и задания динэ муршэсти, тоди лэско амал трэбуй тэ авэл мурш, ай если жувляти, тоди лако амал трэбуй тэ авэл жувли (km-U 5/97 7). Кодэла, ко терэн и задания, моӷут тэ бэшэн чи тэ тердён. Андэ кадэя задания сыкавэн дэсо анда изучения, сави ужэ прожал. Кодэва, ко терэл и задания, на трэбуй андэр лэстэ тэ ԥэнэн пэрви и послидни алава, если када най пистромэ андэ задания. Нэ обязательно тэ заадинон вся о тексто, саво исин каринг кадэя задания, хоть кадя и можно тэ терэн.

 10. Росԥэн, андэр со патяс. Если кадэя задания трэбуй тэ авэл сар речь, ла дэн муршэсти. Если и задания трэбуй тэ авэл сар сцэнка, ла дэн муршэсти или жувляти. Если и задания динэ муршэсти, тоди лэско амал трэбуй тэ авэл мурш, ай если жувляти, тоди лако амал трэбуй тэ авэл жувли, или варико анда лэско или лако ери. Кодэва, кастири и задания, трэбуй понятно и пативалэс тэ атветит по вопросо па тема и тэ дэл дума па инфармацыя анда сылка, сави исин каринг и задания. О мануш можэт екжэно тэ витидэл, тэ ԥэнэн, катар во ля кадэла гиндоря, чи най.

 11. Речь. Кадэя задания дэн муршэсти и ла ԥэнэн сар речь важ и собрания. Если и речь стерди па гиндоря анда Сылка А анда брашура «Любин лэ манушэн», кодэва, ко терэл и задания, трэбуй тэ сыкавэл, сар тэ использует о стихо (или стихоря) андэ служэния. Например, во можэт тэ росԥэнэн, кала тэ используем о стихо, со сыкавэл кадэва стихо и сар через кадэва стихо можно тэ подэн дума лэ манушэса. Если и речь стерди па пункто анда варисаво уроко анда брашура «Любин лэ манушэн», кодэва, кастири и задания, трэбуй тэ шол сама пэ кода, сар кадэва пункто поджал важ и служэния. Во можэт тэ подэл дума пала примеро, саво пистромэ андо пэрво пункто андо уроко, или, если када поможыя, тэ использует любо авэр стихо, саво пистромэ андо уроко.

   12. Со трэбуй тэ авэл андэ задания. Андэ кадэва и андо 13 абзацо ԥэнэнпэ пала задании «Залэ и дума» и «Поможысар, кай тэ авэл май баро интересо». Если най пистромэ па аврятэ, тоди кодэва, кастэ кадэя задания, трэбуй тэ росԥэнэн лэ манушэсти о чачимос анда Библия и тэ стерэл кадя, кай о мануш тэ закамэл пэ авэр разо инке тэ подэл дума. Во трэбуй тэ витидэл тема, сави поджал котэ, кай во жувэл. Во трэбуй тэ ришый, лэла во тэ использует андэ задания публикацыя или видео анда амарэ инструменторя чи най. Кодэва, кастэ кадэя задания, на трэбуй наизусть тэ висытёл и преподнесения. Лэстири цэль — тэ сыкавэл, сар обычно дэн дума лэ манушэнца. Например, анда ди тэ шол сама лэ манушэс и тэ дэл дума, сар обычно.

  13. Ситуацыи. Кодэва, касти динэ и задания, трэбуй тэ подтидэл ситуацыя, сави можэт тэ авэл котэ, кай во жувэл. Например:

1.  1) Служэния па цэра. Када можэт тэ авэл служэния па цэра (лично, па телефоно или через и письморя) и кала пэ авэр разо дас дума лэ манушэса, савэс амэ додиқлям андэ служэния.

2.  2) Неформально служэния. Кадэя ситуацыя сыкавэл, сар через и обычно дума тэ росԥэнэс пала Дэл. Вой сыкавэл, сар можно тэ росԥэнэс о гиндо анда Библия кодэлэнди, каса амэ терас бути, сытювас андэ школа, диқас, кала ладас варикаринг, лэ сосидонэнди, или кодэлэнди, каса диқаспэ, кала терас обычно дила.

3.  3) Служэния котэ, кай бут мануша. Када можэт тэ авэл служэния лэ стэндоса, служэния котэ, кай и мануша терэн бути, служэния пэ вулица, андэ паркоря или андэ авэр ҭана, кай исин мануша.

 14. Видео и публикацыи андэ задания. Если када трэбуй, о мануш, савэсти динэ кадэя задания, можэт тэ использует видео или публикацыя. Если андэ задания ужал варисаво видео или о мануш екжэно ришыл тэ сыкавэл варисаво видео, во трэбуй тэ подэл дума пала лэстэ, но тэ на сыкавэл лэс.

15. Посли дили авэна ек или дуй пункторя пэ собрания, савэ жан 15 минут. Лэндири цэль — тэ поможын кодэлэнди, ко авеля пэ собрания, тэ прилэн андэ пэстири жызня библейски советоря и принцыпоря. Кадэла пункторя можэт тэ проандярэл любо барэдэр ԥрал или способно помошнико андэ собрания (если най пистромэ па аврятэ). Но о пункто «Местни патребности» проандярэл кати о барэдэр ԥрал. Если андо пункто ԥэнэнпэ тэ подэн дума, о ԥрал, саво проандярэл кадэва пункто, можэт тэ задэл най кати кодэла вопросоря, савэ котэ исин, но и авэр вопросоря. И пэрви алава трэбуй тэ авэн най бут, кай тэ хутилэл время пэ ӷлавни гиндоря и кай и мануша смоӷли тэ дэн каминтарии. Если андэ кадэва пункто трэбуй тэ авэл интервью, тоди авелоп драго, кай кодэва, кастар лэн и интервью, тэ дэл дума па сцэна, ай най па ҭан.

  16. Изучения Библии андэ собрания (трицать минут). Кадэва пункто проандярэл барэдэр ԥрал. (Андэ собрании, кай набут барэдэр ԥрала, и изучения можэт тэ проандярэл способно помошнико андэ собрания.) Лэ барэдэрэ ԥралэнго круӷо трэбуй тэ витидэл, касти анда барэдэр ԥрала можно тэ дэн тэ проандярэл кадэва пункто. Кала о ԥрал проандярэл о пункто, во трэбуй тэ шол сама пэ ӷлавни библейски стихоря и саво лашымос када анэна, ай кадяжэ тэ диқэл пала время. Советоря, савэ поможына, исин андо руковоцтво, кай росԥэнэнпэ, сар через и вопросоря и атветоря тэ розлэн варисави тема (w23.04 24, рамка). Если о материало ужэ драго розлинэ и ашэляпэ время, на трэбуй спецыально тэ цырдэн и время. Если када возможно, тэ проандярэн и изучения и тэ адинон кажно курко трэбуй разни ԥрала. Если о прицыдателё мангэл тэ стерэн кадэва пункто май скурто, кодэва, ко проандярэл и изучения, можэт екжэно тэ витидэл, сар фэдэр када тэ стерэл. Например, во можэт тэ розлэл дэсавэ абзацоря и тэ на адиной лэн.

17. Трин минуты. О прицыдателё трэбуй инке еқварэс тэ ԥэнэн и важни гиндоря, савэ сас пэ собрания. Во кадяжэ трэбуй тэ ԥэнэн, со авэла пэ авэр курко. Если исин время, во можэт тэ ԥэнэн, кастэ пэ авэр разо авэна задании. Если най пистромэ нисо авэр, о прицыдателё трэбуй тэ заадиной ла собранияти и объявлении и письморя. И инфармацыя пала кода, сар кажно курко прожан и встречи важ и служэния и инфармацыя пала ӷрафико кай тэ прилэн (и авэр) на трэбуй тэ заадинон па сцэна. Ла трэбуй тэ амблавэн пэ доска важ и объявлении. Если и письморя и объявлении фартэ бут, о прицыдателё трэбуй тэ мангэл лэ ԥралэн, савэндэ исин пункторя андэ часть «Христианско дром», тэ стерэн лэн май скурти (диқэн  абзацо 16 и  19). И собрания закончица диляса и молитваса.

18. Посли учебно задания кай о прицыдателё исин варикай ек минута, кай тэ похвалий лэ манушэс и тэ дэл совето па уроко, саво во трэбуй сас тэ стерэл. Кала о прицыдателё лэла тэ ԥэнэн пала задания, во на ԥэнэна пала уроко. Но посли задания о прицыдателё похвалия лэ манушэс и можэт тэ ԥэнэн, саво лэстэ сас уроко, и тэ шол сама пэ кодэла маменторя анда уроко, савэ кай о мануш вижыля тэ стерэл. Или о прицыдателё можэт ковлэс тэ ԥэнэн, пэ савэ маменторя анда уроко о мануш трэбуй инке тэ шол сама пэ авэр разо и васо. О прицыдателё кадяжэ можэт тэ похвалий лэ манушэс и пала авэр маменторя андэ выступления, если во гиндой, кай када анэна лашымос и лэ манушэсти, и кодэлэнди, ко лэс ашунэн. О прицыдателё можэт посли собрания или андэ авэр время тэ дэл инке дэсавэ советоря (па уроко, саво сас кай о мануш, или па авэр уроко). Кадэва совето трэбуй тэ авэл па брашура «Сытю май драго», брашура «Любин лэ манушэн» или па учебнико «Школа служэния». (Пала кода, савэ обязаности исин кай о прицыдателё и кай о ԥрал, саво дэл совето, росԥэнэнпэ андо  абзацо 19,  24 и  25.)

19. Нащи тэ зацырдэн и время пэ пункторя андэ проӷрама. О прицыдателё тожэ на трэбуй тэ зацырдэл и время. Андэ тетрадка «Амаро христианско дром и служэния» пистромэ время, сави трэбуй тэ залэл кажно пункто. Но если вижыля тэ росԥэнэн о пункто май ӥто, тоди на трэбуй тэ достон и алава ек важ кода, кай тэ используете и время, сави ашэляпэ. Если варико зацырдя пэско пункто, о прицыдателё пэ встреча «Дром и служэния» или о ԥрал, саво дэл советоря, трэбуй тэ подэл дума кадэлэ манушэса лично (диқэн  абзацо 24 и  25). Вся и встреча трэбуй тэ жал 1 час 45 минут, и андэ када ужан диля и молитвы.

20. Кала андэ собрания авэл о раёно барэдэр ԥрал, и проӷрама трэбуй тэ проандярэн па ӷрафико андэ тетрадка, но авэна дэсавэ изменении. Вместо изучения Библии андэ часть «Христианско дром» авэла 30-минутно служэбно речь, сави ԥэнэна о раёно барэдэр ԥрал. Англа кадэя речь, о прицыдателё ԥэнэна, со сас пэ кадэя встреча, со авэла пэ встреча через куртестэ, росԥэнэна и объявлении, заадиноя важни письморя, и тоди виақарэла лэ раёнонэ барэдэрэ ԥралэс, кай во тэ ԥэнэн и речь. Посли речь о раёно барэдэр ԥрал закончит и встреча диляса, сави во можэт тэ витидэл екжэно. В концэ во можэт тэ мангэлпэ екжэно или тэ мангэл пала када аврэ ԥралэс. Кала авэл о раёно барэдэр ԥрал, и выступлении андо дуйто зало (пэ ла собраниятири шыб) на проандярэн. Если андэ собрания исин ӷрупа, вой можэт тэ проандярэл и встреча отдельно, но и служэбно речь, сави ԥэнэна о раёно барэдэр ԥрал, и ԥрала и ԥэя анда кадэя ӷрупа трэбуй тэ ашунэн вмести ла собранияса.

21. По курко, кала авэла канӷрэсо, и собрании на проандярэн. Андэ собрания трэбуй тэ ԥэнэн, кай о материало важ кадэва курко трэбуй тэ роздиқэн екжэнэ или лэ ереса.

22. Если о дес важ и Вечеря випэрэл пэ буднё дес, и встреча «Дром и служэния» пэ кадэва курко на проандярэн.

23. О ԥрал, саво диқэл пала встреча «Дром и служэния» — када барэдэр ԥрал, савэс витидэла лэ барэдэрэ ԥралэнго круӷо. Во диқэл пала кода, кай вся тэ авэл драго арӷанизовано и кадя, сар пистромэ андэ кадэва руковоцтво. Во и о ԥрал, саво дэл советоря, трэбуй тэ терэн дила еқэҭанэ. Сар кати вижал нэви тетрадка, о ԥрал, саво диқэл пала встреча, трэбуй тэ роспистрой и задании пэ дуй шон. Андэ када ужан и учебни задании, ай кадяжэ и пункторя важ и ԥрала, савэн витидя лэ барэдэрэ ԥралэнго круӷо. (Диқэн  абзацо 3—16 и  24.) Кала во витидэл, касти тэ дэл учебно задания, во трэбуй тэ погиндой пала кода, скати бэрш лэ манушэсти, саво лэстэ опыто, ай кадяжэ исин лэстэ муй тэ дэл дума пэ кадэя тема. Пэ вся када о ԥрал трэбуй тэ шол сама и тоди, кала роспистрой авэр пункторя андэ проӷрама. И задании трэбуй тэ дэн минимум важ и трин курте жы каринг и выступления. И учебни задании дэн по бланко «Задания пэ встреча „Амаро христианско дром и служения“» (S-89). О ԥрал, саво диқэл пала встреча «Дром и служэния», трэбуй тэ амблавэл и роспистромэ проӷрама пэ доска важ и объявлении. Лэ барэдэрэ ԥралэнго круӷо можэт тэ стол аврэ барэдэрэ ԥралэс или помошникос андэ собрания, кай тэ поможый лэсти. Но и пункторя важ и ԥрала тэ роспистрон моӷут кати и барэдэр ԥрала.

24. Кажно курко ек анда барэдэр ԥрала авэла прицыдателё пэ встреча «Дром и служэния». (Андэ собрании, кай на хутилэл лэ барэдэрэ ԥралэн, о прицыдателё пэ встреча можэт тэ авэл способно помошнико андэ собрания.) Во ԥэнэн и пэрви и послидни алава. Во кадяжэ лэла тэ ԥэнэн и названии важ всаворэ пункторя андэ проӷрама и если лэ барэдэрэ ԥралэн мало, лэстэ моӷут тэ авэн и авэр пункторя, особено кацавэ, кай трэбуй просто тэ сыкавэл видео. И алава машкар и пункторя трэбуй тэ авэн фартэ скурти. Лэ барэдэрэ ԥралэнго круӷо витидэла кодэлэ барэдэрэ ԥралэн, савэ лэна тэ служын сар прицыдателя. И барэдэр ԥрала, савэн витидэ, лэна тэ служын сар прицыдателя па очереди. Если трэбуй, о ԥрал, саво диқэл пала встреча «Дром и служэния», можэт тэ служый сар прицыдателё май часто, чем авэр барэдэр ԥрала. Если барэдэр ԥрал можэт тэ проандярэл изучения Библии андэ собрания, май ӥто всаворэстар, во можэт тэ авэл прицыдателё пэ встреча. Нащи тэ бистрэн, кай о прицыдателё пэ встреча трэбуй анда оди тэ хвалий и, если трэбуй, тэ дэл полезни советоря кодэлэнди, кастэ учебни задании. О прицыдателё кадяжэ диқэл пала кода, кай и встреча тэ закончица вовремя (диқэн  абзацо 17 и  19). Если о прицыдателё камэл и если пэ сцэна хутилэл ҭан, пэр латэ можно тэ стон инке ек стойка и микрофоно, кай во моӷ тэ ԥэнэн и названии важ и пункторя андэ кодэя время, сар авэр ԥрал ужэ тердёл пэ сцэна. Кадяжэ, пэ задания, кала адинон и Библия и пэ задании андэ часть «Сытювас май драго тэ росԥэнас важ о Дэл» о прицыдателё, если во камэл, можэт тэ бэшэл пала столо пэ сцэна. Кадя ашэлапэ май бут время пэ авэр пункторя.

25. Авелоп драго, кай кадэя дила тэ терэл барэдэр ԥрал, саво драго ԥэнэн и речи. Лэстири цэль — тэ дэл (если када трэбуй) советоря лэ барэдэрэ ԥралэнди и лэ помошниконэнди андэ собрания, савэ выступают пэ встреча «Дром и служэния» и ԥэнэн речи важ всаворэ, ай кадяжэ кодэлэ ԥралэнди, савэ проандярэн изучения па «Сторожэво башня» и изучения Библии андэ собрания или адинон (диқэн  абзацо 19). Нэобязатательно тэ дэн советоря лэ ԥралэнди посли кажно лэндири выступления. Если андэ собрания исин най ек барэдэр ԥрал, саво драго сытярэл и ԥэнэн речи, тоди кажно бэрш о ԥрал, саво дэл советоря можэт тэ парудёл.

26. Если андэ собрания бут кодэлэн, ко камэл тэ сытёл, можно тэ стерэн дуйто зало. Андэ кацаво зало назначат ԥралэс, важ кода кай тэ дэл советоря (авелоп драго, если када авэла барэдэр ԥрал). Лэ барэдэрэ ԥралэнго круӷо трэбуй тэ ришый, кас анда ԥрала можно тэ стон пэ кадэя дила и трэбуй кадэя дила тэ терэл ек ԥрал или и ԥрала лэна тэ парудён. О ԥрал, савэс стодэ, кай тэ дэл советоря андо дуйто зало, трэбуй тэ терэл када кадя, сар пистромэ андо  18 абзацо. Кодэла, кастэ исин учебни задании андо дуйто зало, ужан интя посли пункто «Виарақас сомнак анда Библия». Посли послиднё учебно задания, вонэ трэбуй тэ ринпэ андо ӷлавно зало.

27. Пэ встреча «Дром и служэния» лэна тэ сыкавэн кодэла видео, савэ исин андэ тетрадка. Вонэ исин андэ прилажэния JW Library®, и лэн можно тэ сыкавэн пэ разни устройства.

© 2024 Watch Tower Bible and Tract Society of Pennsylvania

S-38-RMV 11/23