Исин киноря, книжки или диля, савэ нащи тэ диқэн лэ Иеговастирэ свидетелёнэнди?
Най. Андэ амари арӷанизацыя нинай варисаво списко, кай пистромэ, савэ киноря, диля или книжки нащи тэ диқэн лэ Иеговастирэ свидетелёнэнди. Васо?
Андэ Библия пистромэ, кай кажно мануш трэбуй тэ сытёл «май драго тэ полэн со лашо, ай со най» англа Дэл (Евреям 5:14).
Кадяжэ андэ Библия исин принцыпоря, савэ поможына лэ христианонэнди тэ погиндон, кала витидэн важ пэстэ развличении a. Кала амэ варисо витидас андэ пэсти жызня, например, сар тэ отцыювас, амэ камас май драго тэ полас «со уӷодно лэ Дэвлэсти», ай со най (Эфесянам 5:10).
Андэ лэ Дэвлэско алав пистромэ, кай хулай андо ери, можэт тэ на разришает варисави развличения важ пэско ери. Лэстэ пэ када исин власть (1 Коринфянам 11:3; Эфесянам 6:1—4). Но пэ када лэстэ исин право кати важ пэско ери. Аврэнди во нэ можэт тэ стол о запрето тэ диқэн киноря или диля и книжки, савэ во витидя тэ на диқэл. Кадяжэ нэ правильно тэ ԥэнас, кай лэ христианонэнди нащи тэ ашунэн и диля, савэ дилабэл варисаво конкретно певцо, или нащи тэ диқэн и киноря, кай злэлпэ варисаво артисто (Галатам 6:5).
a Но андэ Библия ворта пистромэ, кай фартэ найдраго, кала мануш диқэл киноря или ашунэл и диля, кай пала билажавардимос, драбатяримос и бэнгалимос и пала жэстокость ԥэнэнпэ, кай када нармально и дажэ драго (Второзаконие 18:10—13; Эфесянам 5:3; Колоссянам 3:8).
Тути кадяжэ можэт тэ авэл интересно
НАРИСОВАННО ВИДЕО
Видеоиӷры. Сар тэ цэлэс, кай тэ на процэлэс?
Видеоиӷры, вонэ моӷут тэ авэн фартэ интересни, но дэсавэ андар лэндэ моӷут тэ авэн вэрыти. Андэр со исин опасность, и сар ла тэ обжас?