Амэ на обнашас кодэлэн, ко болделя и ашэля лэ Иеговаско свидетелё, но потом долӷо время на росԥэнэнас пала Дэл аврэнди и, возможно, дажэ парашэля тэ общяеца аврэ свидетелёнэнца. Наоборот, амэ старысавас тэ свяжемся лэнца, кай тэ подритярас лэн и кай вонэ упалэ тэ пашон каринг о Дэл.

 Амэ на исключисарас сразу анда собрания кодэлэс, ко стердя баро бэзэх. Но если лэ Иеговаско свидетелё, саво болделя, лэл спецыально тэ терэл бэзэх и на каийпэ, то лэс исключин анда собрания. Андэ Библия ворта ԥэнэнпэ: «Улэн анда собрания лэ манушэс, саво терэл о найлашымос» (1 Коринфянам 5:13).

 Ай со, если лэ хулас исключин анда собрания, ай лэстири хулаи и бэяцэ на парашэн тэ авэн лэ Иеговастирэ свидетеля? Хоть лэнго ери и ашэлпэ вмести, вонэ ужэ на лэна тэ общяюца пала Дэл. Кадэва мануш всаек авэла хулай и дад важ пэско ери. Вонэ и май дур лэна тэ жувэн сар ери и тэ терэн пэстири дила.

 О мануш, савэс исключисардэ, можэт тэ авэл пэ амарэ собрании. Если во камэл, во можэт тэ мангэл духовно помощь кай и барэдэр ԥрала анда собрания. Кадэла ԥрала камэн тэ поможын кажнонэсти, кас исключисардэ, тэ парудён, кай вонэ упалэ тэ ашэн лэ Иеговастирэ свидетеля. Кодэла, ко парашэн тэ терэн о найлашымос и сыкавэн, кай упалэ камэн тэ жувэн па лэ Дэвлэстирэ законоря, всегда моӷут тэ ринпэ андэ собрания.