Тиро хулай чи и хулаи ԥэндя или стердя варисо най кадя, и ту старыиспэ тэ на сыкавэс пэстири холи. Но тиро мануш полэл, кай варисо най кадя, и старыийпэ тэ уӷанэн, со тердяпэ. Када холярэл инке май фартэ. Сар андэ кацави ситуацыя тэ на вижас андар пэстэ?

•  Со трэбуй тэ ӷанэс

•  Со можно тэ стерэс

•   Кала ту вишос пэстири холи, тоди кадя римос пэско зор. Сар ԥэнэн и учони, кай кала ту вижас андар пэстэ, через када тутэ можэт тэ ваздэлпэ и давления, тэ дуқал оди, тэ авэл дипрэсия и тэ дуқал о желудко. Через и холи о мануш можэт тэ на висовэлпэ, пала вся тэ пережывает, лэстэ можэт тэ вишолпэ варисо пэ тила и тэ приастарэл оди. Най евья андэ Библия ԥэнэнпэ: «Параш тэ холявэс... када анэн каринг и бида» (Псалом 37:8, Смыслово переводо).

•   Тэ затасавэс и холи тожэ найдраго. Если тэ на ритярэс пэс андэ вас, тоди и холи лэла тэ хал тут андрал. Например, ту можэш тэ ашэс захало и пала вся найдраго тэ гиндос. Ай если ту присытёса тэ авэс кацаво, тоди туса авэла ԥарэс тэ жувэс андэ ек цэр и када можэт тэ анэн вэрытимос андо ери.

•   Шув сама пэ кода, со исин лашо андэ тиро мануш. Запистросар трин лашэ маменторя, савэ исин андэ лэско характеро. Пэ авэр разо, кала ту росхолявэса пэ пэско мануш, вспомни пала кадэла маменторя. Вонэ поможына тути тэ на вижас андар пэстэ.

   Библейско принципо: «Авэн блаӷодарни» (Калосы 3:15).

•   Сытюв тэ простис. Спэрва дик пэ вся кадя, сар диқэл тиро мануш. Кадя ту сытёса тэ полэс, со лэстэ по ди — пала када жэ пистромэ андэ Библия (1 Пётро 3:8). Тоди пуш пэстар: «Чаче вся кадя дэ серьёзно, кай мэ не моӷу тэ простисарав?»

   Библейско принцыпо: «Лэско шукаримос, кай тэ на шол сама пэ кода, со най кадя стердэ» (Притчи 19:11).

•   Росԥэн, со тутэ по ди, пативалэс и ковлэс. Росԥэн вся, со тутэ по ди. Например, вместо кода, кай тэ ԥэнэс: «Ту пала мандэ совсем на гиндос! Ту дажэ на позвонисардян и на ԥэндян, кай ту!», фэдэр тэ ԥэнэс: «Мэ пережывала пала тутэ, важ кода кай ужэ поздно. И андо шэро со кати на ӷулел». Кала ту ковлэс и пативалэс росԥэнэс, со тутэ по ди, тоди ту на вижаса андар пэстэ.

   Библейско принцыпо: «Вся и время дэн дума кадя, кай тумэн тэ авэл приятно тэ ашунэн» (Калосы 4:6).

•   Стов патив, кала виашунэс. Акана, кала ту росԥэндян, со тутэ по ди, виашун, со ԥэнэна тиро мануш. Ашун и на пэрэмар. Кала тиро мануш додэла дума, пэрэпуш, правильно ту вся полян. Если просто тэ виашунэс аврэс, када фартэ поможыя тути тэ улэспэ и тэ на вижас андар пэстэ.

   Библейско принцыпо: «Старыинпэ май бут тэ ашунэн, чем тэ дэн дума» (Иаково 1:19, Современо переводо).