Ande 26 augusto 2023 sas-le andine angla o Iehova i Sala andal Congresea catar Turda hai trin clădiri catar i filiala le Martorenghi le Iehovasche anda București. O phral Gage Fleegle, cai slujil ando Corpo de Guvernare, încărdea ca Sala andal Congresea catar i Turda i cuvântarea prin savi sas-le andine angla o Iehova cadal clădiri. Co programo chidine-pe 1 702 jene, hai aver 14 101 jene sas-le conectime prin videoconferința.

Ando programo sas-le sicade chichiva rapoartea anda i buchi cai cherel-pe andi România caște aven vazdine clădiri teoctratico hai sar o Iehova binecuvântisardea cadal proiecte andel bărșa cai nachle. Chichiva phrala hai pheia cai cărde buchi ande cadal proiectea dine duma anda sar sas i buchi cai cărde-la. Pala o programo, i phei Iaela Drăghici, cai cărdea buchi co proiecto ca i Sala de Congrese catar i Turda, phendea: „Mânro ilo silo pherdo bucuria că cadal proiectea sas-le andine angla o Iehova caște anen lesche gloria!”. O phral Bruce Dyer, iech phral cai slujil andel proiectea pe sea i phuv hai cai cărdea buchi caște avel bariardi i filiala andai România, phendea: „Ci arachav dumes cai daștinas te phenen so sentimentea nachen acana prin mânro ilo că sas amenghe dino cado baro privilegio te cheras buchi ca cadai construcția. Naisaras le Iehovasche anda lesco baro lașimos”.

Ande le clădiri catar i filiala cai sas-le andine angla o Iehova arachel-pe iech sala cai încărel-pe i Școala andal Evanghelizatori le Regatosche, iech sala le Regatoschi, thana cai beșen le phrala cai cheren partea andai familia Betel, birouri anda o Departamento andai traducere hai i recepția. Andi Sala andal Congresea catar i Turda daștin te beșen po scamina 1 200 jene andral hai 1 350 po scamina avreal. Cadai Sala sili folosime cam 15 000 phralendar hai pheiandar anda diferime thana anda o them.

O duito ghies, ande 27 augusto 2023, po stadiono Cluj Arena anda o foro Cluj-Napoca încărdea-pe iech programo specialo, ca savo chidine-pe 23 968 jene. O programo sas-lo traducime andi șib engleză, o limbajo le semnengo vlașico, o limbajo le semnengo rusisco, andi șib maghiară, andi șib rromani (România), andi șib rusisco hai ucraineană, hai daștisardo te avel dichlo live catar sea le congregații andai România hai Ucraina. I prezența totalo sas-li de 121 411 jene.

Amare ile pherde bucuria maren pașa amare phralengo o ilo andai România hai sam voime că sas-le andine angla o Iehova cadal clădiri cai va avena folosime caște avel îngărdi mai dur i închinarea uji. (Isaia 2:3).