Le manușa cai prasan-ame daștin te anen amenghe duch vi fizico hai vi ando ilo. Cana sile contra amari închinarea hai amen daras lendar, cadala daștin te covliaren amaro amalimos le Iehovaia. Sar daștis te feris-tu varecastar cai camel te prasal-tu?

But slujitori le Iehovasche sas-le prasade, tha nachle părdal, anda codoia că pachiaie-pe ando Iehova. (Ps 18:17) Sar exemplo, i Estera dea duma anda so camlea te cherel o Haman, iech manuș nasul cai prasadea lache poporos. (Es 7:1-6) Angla te cherel cadaia, voi încărdea iech posto caște sicavel că pachiaia-pe ando Iehova. (Es 4:14-16) O Iehova sas pașa late hai ferisardea-la la hai lache poporos.

Dacă vi tu, cadea sar i Estera san prasado, mang le Iehovas te ajutil-tu hai de duma varecaia mai baro, sar si chio dad sau chi dei. Daștis te pachias anda sea o ilo că o Iehova va avela pașa tute cadea sar sas pașa i Estera. So aver vareso mai daștis te cheres cana san prasado?

DICHEN O MATERIALO VIDEO MÂNRI VIAȚA SAR TĂRNO – SO DAȘTIV TE CHERAV CANA SOM PRASADO? HAI PALA CODOIA DEN DUMA ANDA LE PUȘIMATA CAI AVEN:

• So daștin te sichion le tărne catar o Charlie hai i Ferin?

  Chio răspunso

• So sichion le dada catar o Charlie hai i Ferin anda sar daștin te ajutin penghe șiaven cana varecon prasal-le?

  Chio răspunso