Iech anda le mai lașe buchia cai le dada daștin te cheren-le caște ajutin penghe șiaven te avel-len o goghiaverimos cai avel catar o Del, si te ajutin-le te țârden miștimata cana aven ca le întruniri la congregațiache. Anda so așunen hai dichen cade hai prin le răspunsuri cai den-le, le tărne daștin te sichion anda o Iehova hai te cărdion lesche amala. (De 31:12, 13) Dacă si tut șiave, sar daștis te ajutis-le te țârden chichi mai but miștimata anda le întruniri?

• De sea chi zor te jias ca le întruniri ca i sala le Regatoschi (Ps 22:22)

• Cana jias ca i sala le Regatoschi cher tuche timpo te des duma che phralența hai pheianța angla sau pala i întrunirea (Ev 10:25)

• Le sama ca fiesave jenes andai familia te avel-les po telefono sau tipărime, le publicații anda save sichioas ca le întruniri

• Ajutisar che șiaves te cherel pesche iech răspunso hai te phenel-les cadea sar hachiarel-les vo (Mt 21:15, 16)

• De duma șucar anda le întruniri hai anda so sichios code

• Ajutisar che șiaven te cheren vi von ujimos ca i sala le Regatoschi hai te den duma le phralența mai phure andai congregația

Trebul te des sea chi zor te ajutis che șiaven te pașion le Iehovastar, chiar cana poiechdata daștil te avel tuche pharo. Cu sea cadala, șiu chio pachiamos ando Iehova că vo va ajutila-tu (Is 40:29)

DICHEN O MATERIALO VIDEO DADALE, ȘION TUMARO PACHIAMOS ANDO IEHOVA HAI ANDE LESCHI ZOR, HAI PALA CODOIA DEN RĂSPUNSO CA LE PUȘIMATA CAI AVEN:

• Sar arăsle te aven o Zack hai i Leah anda codoia că sas-le chine?

  Chio răspunso

• Sostar trebul le dada te manghen le Iehovas te del-le zuralimos?

  Chio răspunso

• Sar șiute pengo pachiamos ando Iehova o Zack hai i Leah?

  Chio răspunso