Savo si o mai lașio daro cai daștin te den-les tumare șiavorrenghe? Si ciaces, len silen nevoia bute buchiandar, sar avelas, te iubin-len, te ferin-len hai te len sama lendar. Cu sea cadala, o mai șucar daro cai daștin te den-les lenghe si te prinjianen le Iehovas hai le ciacimata cai arachen-pe ande lesco Lil, i Biblia (Ioan 17:3). Cadea, tumare șiave va daștina te bariaren penghi iubirea anda o Iehova hai te slujin-les anda sea o ilo, chiar dacă sile țânorre (Matei 21:16).

But dada hai deia dichle că si mișto anda lenghe șiavorre te cheren lența harne lecții hai te cheren diferime buchia ande iech than. Bariol amaro ilo te das tumenghe cadai broșura, cai bușiol Mânro lilorro biblico. Fiesavi lecția sas cărdi caște sicaven tumare șiaven ande iech modo simplo. Le imagini hai so si scriime sas-le cărde specialo anda amare gule șiavorre cai silen trin bărșa sau chiar mai țâne. Pala fiesavi lecția si tumenghe dine chichiva buchia cai daștin te cheren-len ande iech than tumare șiavorrența. Cadai broșura ci sas-li cărdi ca le șiavorre te chălen-pe lasa, sas cărdi ca tumen sar dada hai deia te citin-la ande iech than hai te pașion mai but lendar.

Pachias anda sea o ilo că cadai broșura va ajutila tumen te sicaven tumare șiaven le ciacimata cai sile andi Biblia încă ‘de cana sile țânorre’ (2 Timotei 3:14, 15).

Tumare phrala,

O Corpo de Guvernare le Martorengo le Iehovasche