LECȚIA 14
Te anas închinarea le Devlesche cadea sar vo camel
Cadea sar dichleam andi lecția cai nachlea, na sea le religii sile plăcuto le Devlesche. Cu sea cadala, amen daisaras te anas închinarea codolesche cai cherdea-ame, caște bucurisaras lesco ilo. Savi „închinarea [sau religia]” si cadea sar camel vo? (Iacov 1:27, n.t.) Te dichas so sicavel-ame i Biblia.
1. Catar jianas sar trebul te anas închinarea le Devlesche?
Daisaras te jianas sar te anas închinarea le Devlesche andai Biblia. O Isus phendea le Devlesche: „Chio cuvânto si o ciacimos”. (Ioan 17:17) Chichiva religii ci len-pe pala o ciacimos andai Biblia, o Cuvânto le Devlesco. Von len-pe pala le tradiții hai le sicaimata le manușenghe. Le Iehovas ci placian-les le manușa cai ‘duriaren pendar leschi porunca’. (Citisaren Marcu 7:9.) Tha amen daisaras te bucurisaras o ilo le Iehovasco cana anas lesche închinarea cadea sar sicavel-ame i Biblia hai cana cheras cadea sar phenel voi.
2. Sar trebulas te anas închinarea le Iehovasche?
Anda codoia că o Iehova cărdea-ame, meritil te anas închinarea numai lesche. (Revelația 4:11) Cadaia însemnol că amaro ilo trebul te marel anda leste hai că trebul te anas închinarea numai lesche, bi te folosisaras idoli sau icoane. (Citisaren Isaia 42:8.)
Amari închinarea trebul te avel „sfânto hai plăcuto” le Iehovasche. (Romani 12:1) Cadaia însemnol că amen trebul te cheras so vo manghel amendar. Sar exemplo, codola cai iubin le Iehovas cheren anda sea lengo ilo cadea sar vo phenel anda sar te avel i căsătoria. Von nașen catar le buchia cai meliaren-le, sar avelas te țârden țigări, te len droguri sau te pien prea but pimos. a
3. Sostar trebul te chidas-ame ande iech than caște anas închinarea le Iehovasche?
Ca amare întruniri cai încăren-pe ande fiesavo curco, daisaras te ‘așaras le Iehovas andi congregația’. (Psalmo 111:1, 2) Sar exemplo, daisaras te așaras-les prin ghilea. (Citisaren Psalmo 104:33.) Anda o Iehova sam zurales cuci. Anda codoia manghel amendar te jias ca le întruniri. Vo jianel că le întruniri va ajutina-ame te bucurisaras-ame viațatar anda sea o timpo. Code zuriaras averen hai vi aver zuriaren-ame.
HACHIAR MAI MIȘTO
Va avela te hachiares sostar o Iehova ci camel te folosisaras imagini cana anas lesche închinarea hai va avela te diches mai but moduri prin save daștis te așares le Devles.
4. Ci trebul te folosisaras imagini ande amari închinarea
Catar jianas că, dacă folosisaras imagini andi amari închinarea, holiaras le Devles? Dichen o MATERIALO VIDEO hai pala codoia den duma:
-
Andel puraimata, chichiva slujitori le Devlesche cărde penghe iech idolo caște anen lesche închinarea. Sar dichlea o Iehova cadai buchi?
Chichiva manușa folosin imagini cana anen închinarea le Devlesche hai pachian că cadea, daștin te pașion lestar. Tha daștil cadai buchi te anel-le mai pașă le Devlestar? Citisaren Exodo 20:4-6 hai Psalmo 106:35, 36 hai pala codoia den duma:
-
Tu so dichlean, so buchia sau imagini folosin le manușa andi închinarea?
-
Sar dichel o Iehova varecas cai folosil imagini andi închinarea?
-
Tu sar diches cadai buchi?
5. Dacă anas închinarea numai le Iehovasche sam eliberime catar le sicaimata neciace
Va avela te hachiares sar o fapto te anes închinarea le Iehovasche cadea sar camel vo, va ajutila-tu te na mai pachias buchia neciace. Dichen o MATERIALO VIDEO.
Citisaren Psalmo 91:14 hai pala codoia den duma:
-
So promitil o Iehova că va cherela anda amende dacă sicavas că iubisaras-les hai anas închinarea numai lesche?
6. Anas închinarea le Devlesche ca le întruniri la congregațiache
Amen așaras le Iehovas hai zuriaras-ame iech averes cana ghilabas hai das răspunsuri ca le întruniri la congregațiache. Citisaren Psalmo 22:22 hai pala codoia den duma:
-
Placiaia-tu le răspunsuri cai așundean-le ca le întruniri?
-
Cameias vi tu te pregătis iech răspunso?
7. O ilo le Iehovasco bariol cana phenas vi averenghe so sichioas
Amen, savore daisaras te phenas vi averenghe so sichileam andai Biblia. Citisaren Psalmo 9:1 hai 34:1 hai pala codoia den duma:
-
So buchi cai sichilean-la andai Biblia cameias te phenes-la vi aver varecasche?
UNII MANUȘA PHENEN: „Na-i sar te avas plăcuto le Devlesche”.
-
Tu so pachias?
SO SICHILEAM
Amaro Creatorii bucuril-pe cana anas închinarea numai lesche, așaras-les ca le întruniri la congregațiache hai das duma averența anda so sichileam.
So dichleam
-
Catar jianas sar camel o Del te anas lesche închinarea?
-
Sostar trebul te anas închinarea numai le Iehovasche?
-
Sostar trebul te anas închinarea le Devlesche ande iech than averența cai camen te bucurin lesco ilo?
RODE MAI BUT
Andi relatarea „Ci mai slujisarav le idolenghe”, va avela te diches sar reușisardea iech jiuvli te mechel i închinarea ca le idoli.
„I Biblia paruvel i viața le manușenghi” (O Turno de veghe, 1 iulia 2011)
Va avela te hachiares sar daștis vi tu te des răspunsuri ca le întruniri la congregațiache.
„Te așaras le Iehovas andi congregația” (O Turno de veghe, ianuaria 2019)
Va avela te diches so miștimata andea ieche tărnesche le întruniri la congregațiache, chiar cana sas lesche pharo te jial lende.
But manușa pachian că o trușul sicavel că san creștino. Tha si mișto te folosisaras-les cana anas închinarea le Devlesche?
„Sostar le Martori le Iehovasche ci folosin o trușul andi închinarea?” (Articolo pa amaro site-o)
a Anda cadala va avela te das duma ande aver lecții.
Poate că fal-tu
PUȘIMATA ȘIUTINE BUTIVAR
So si o studio biblico le Martorența le Iehovasche?
Ande cado studio biblico gratuime le Martorența le Iehovasche, daștis te folosis orisavi Biblia cames. Daștis te achares ca o studio sea chi familia sau oricas cames.
