Studiisar o materialo mișto. Trebul te hachiares claro o subiecto caște daștis te explichis-les ande iech modo simplo hai che cuvintența.

Folosisar propoziții harne hai cuvintea simplo. Chiar cana daștis te folosisares fraze mai lungo, phen le idei principalo ande propoziții harne.

Explichisar le cuvintea neprinjiande. Chichi daștis na folosisar cuvintea cai le manușa ci prinjianen-le. Cana trebul te des duma anda iech cuvânto neprinjiando, iech personajo biblico, iech unitatea de măsura andal ghiesa purane sau anda iech obiceio, phen anda soste si i duma.