Rughisar-tu hai pregătisar-tu mișto. Rughisar-tu caște daștis te concentris-tu pe so cames te phenes, na pe chi persoana. Șiu ande chi goghi le idei principalo cai cames te des duma anda lende. Phen-le che cuvintența; na phen încă iech data fraze scriime.

De duma anda o ilo. Gândisar-tu sostar codola cai așunen-tu trebun te așunen o mesajo hai sar ajutil-le cadava. Dacă va chereia cadai buchi, va dichiola-pe pe tute, pe chio mui, po felo sar des duma că san sincero hai că situ iech atitudinea prietenoso.

Dich-tu pe codola cai așunen-tu. Dich andel iacha codolenghe casche des duma, dacă cadai buchi ci holearel-le. Cana încăres iech tema, dich-tu pe câte iech manuș hai na dich pe sea o auditorio iech data.