Gândisar-tu sostar cames te citisares iech anumime verseto. Introducisar o verseto cadea te sicaves savi si i ideea importanto cai cames te încalaves-la anda o verseto.

Sicav că andai Biblia des duma. Cana des duma manușența cai pachian ando Del, phen că i Biblia si o Cuvânto le Devlesco hai sicav că voi si i sursa catar avel i înțelepciunea.

Ușteav o intereso caring o verseto. Șiu iech pușimos cai lesco răspunso arachel-pe ando verseto, phen iech problema cai lachi soluția si ando verseto sau phen iech principio sicado andi relatarea biblico savi cames te citisares-la.