Rode ande surse demno pachiamasco. Sea so phenes trebul te avel bazome po Cuvânto le Devlesco hai cana daștis citisar chiar anda leste. Cana des duma anda iech fapto științifico, iech știrea, iech experiența sau aver dovezi, dich mai anglal dacă o than catar les-le si demno pachiamasco hai dacă i informația mai sili ciaci vi aghies.

Folosisar corecto le surse cai sicaves-le. Cana aplichisares le versetea încăr conto de sea o mesajo la Bibliaco hai le publicații catar „o sclavo fidelo hai prevăzătorii”. (Mat. 24:45) Cana folosisares surse laico, încăr conto catar o contexto hai sostar camlea o scriitorii te phenel.

Ajutisar codolen cai așunen-tu te gândin-pe ca-l dovezi. Pala so citisares iech verseto sau des duma anda iech sursa, șiu pușimata sau cher iech ilustrarea caște ajutis le manușen te țârden corcore i concluzia.