Alosar ilustrări simplo. Cadea sar o Isus, folosisar-tu buchiandar țâne caște explichis buchia bare hai buchiandar simplo caște explichis buchia phare. Na phen detalii inutilo cai cheren i ilustrarea phari. Le sama ca i ilustrarea te avel potrivime andai lecția cai cames te sicaves-la, cadea ca le manușa te na aven îngărde la goghiaia ande aver partea.

Gândisar-tu codolende cai așunen-tu. Alosar ilustrări cai sile phanglimos le buchianța cai interesin codolen cai așunen-tu. Av atento ca le ilustrări te na aven bi pachivale hai te na holiaren le manușen.

Sicav savi si i ideea principalo. Chi ilustrarea trebul te încalavel le idei principalo, na detalii cai nai importanto. Le sama ca o manuș cai așunel-tu te încărel andi goghi na numai i ilustrarea tha vi so sichiol anda late.