ASTAR TE DES DUMA
SICAIMOS 6
Av tromano
So phenel i Biblia: „O Del dea-ame tromai te phenas tumenghe i vestea lași”. (1 Tes. 2:2)
So cărdea o Isus
1. Dich o MATERIALO VIDEO sau citisar Luca 19:1-7. Pala codoia șiu tuche le pușimata:
So sichioas catar o Isus?
2. Te na mechas ca i dar te așiavel-ame te phenas i vestea lași anda o Regato savore manușenghe.
Cher so cărdea o Isus
3. Șiu chio pachiamos ando Iehova. Cadea sar o spirito sfânto le Devlesco zuriardea le Isusos te predichil, vo daștil te zuriarel vi tut. (Mat. 10:19, 20; Luca 4:18) Mang le Iehovas te del tut tromai caște predichis codolenghe castar daras. (Fap. 4:29)
4. Na le-tut pala so phenen che iacha anda iech manuș. Daștil-pe că încăras-ame parpale te das duma chichiva manușența cana dichas sar sile hureade, sar sicaven de avreal, că sile ciore sau barvale sau cana hachiaras ande soste pachian von. Tha na bâstăr:
-
a) Numai o Iehova hai o Isus daștin te dichen so si ando ilo le manușengo; amen ci daisaras.
-
b) Oricon daștil te țârdel miștimata anda o lașimos le Iehovasco.
5. Av tromano tha sicav vi pachiv hai av atento. (Mat. 10:16) Na ha tut le manușeia. Dacă ci camel te așunel-tu sau astarel te daravel-tu, phandav i duma ande iech modo lașio hai tiliar. (Prov. 17:14)
