„Așunen mânre glasostar hai me avaua tumaro Del, hai tume va avena mânro poporo.” (Ieremia 7:23)

Daștis te aves o amal le Devlesco?

• Geneza 22:18; Iacov 2:23

  O Avraam sas o amal le Iehovasco pentru că ascultisardea le Devlestar hai sas-les pachiamos ande leste.

• 2 Cronici 16:9

  O Iehova ajutil codolen cai ascultin lestar.

• Psalmo 25:14; 32:8

  O Iehova del înțelepciunea pesche amalen.

• Psalmo 55:22

  O Iehova susținil pesche amalen.

„Ande sea cadala, o Iov ci păcătuisardea hai ci andea doș anda chanci nasul le Devlesche.” (Iov 1:22)

Sar atachisardea o Satan le Iovos hai sar reacționisardea o Iov?

• Iov 1:10, 11

  O Satan phendea că o Iov sas egoisto hai că ci iubilas le Devles.

• Iov 1:12-19; 2:7

  O Iehova meclea le Satanos te lel sea so sas le Iovos. O Satan chiar dea-les iech nasfalimos foarte nasul.

• Iov 27:5

  O Iov ci jianelas sostar suferilas cadichi de but, tha vo așilo loialo.

„O manuș va dela sea so siles anda lesco sufleto.” (Iov 2:4)

Sar încercol o Satan te distrugil amaro amalimos le Iehovaia?

• 2 Corinteni 11:14

  O Satan încercol te athavel ame caște na ascultisaras le Iehovastar.

• Proverbe 24:10

  Vo încercol te cherel ame te pachias că ci sam destul de lașe te slujisaras le Iehovasche.

• 1 Petru 5:8

  O Satan atachil-ame.

• Proverbe 27:11

  Alosar te ascultisares le Iehovastar hai av lesco amal loialo. Ande cado modo, va sicaveia că o Satan si iech hohamno.

„Ita so si i iubirea anda o Del: te încăras lesche porunci.” (1 Ioan 5:3)

Sar daștis te aves o amal le Iehovasco?

• Deuteronomo 6:5

  Iubisar le Devles, hai cadaia va ajutila-tu te aves ascultătorii.

• Isaia 48:17, 18

  Ascultisar le Iehovastar hai va avela-tu miștimata veșnico.

• Deuteronomo 30:11-14

  Av siguro că o Iehova ci va manghe-la tutar niciechdata te cheres vareso so ci daștis.

• Filipeni 4:13

  Av hotărâme te cheres so si corecto hai o Iehova va dela-tu o zuralimos necesaro.