„Anda codoia, dav cianga angla o Dad, codova castar orisavi familia anda o cerii hai pa i phuv țârdel pesco anav.” (Efeseni 3:14, 15)

Sar daștil te avel-tu iech familia fericime?

• Geneza 1:26-28

  O Iehova cărdea i iechto familia.

• Efeseni 5:1, 2

  Cai te avel ame iech viața familiachi fericime trebul te imitisaras le Iehovas hai le Isusos.

„Fiesavo anda tumende te iubil pesca rromnia . . . , hai la rromnia, sa cadea, te avela iech baro respecto anda laco rrom.” (Efeseni 5:33)

Sar trebulas iech rrom hai iech rromni te phiradion iech avreia?

• Efeseni 5:22-29

  Le rromes siles i responsabilitatea te îngrijil-pe pesca familiatar. Vo trebul te iubil pesca rromnia, hai i rromni trebul te susținil lesche hotărâri.

• Coloseni 3:19; 1 Petru 3:4

  Le dui trebun te aven lașe hai iubitorii iech avreia.

• 1 Petru 3:1, 2, 7

  O rrom hai i rromni trebun te respectin-pe iech avres.

• 1 Timotei 5:8; Tit 2:4, 5

  O rrom trebul te îngrijil-pe lovența pesca familiatar. I rromni trebul te îngrijil-pe mișto la familiatar hai le chărestar.

„Na holiaren tumare șiaven, tha bariaren-le andi disciplina hai ando modo gândimasco le Iehovasco.” (Efeseni 6:4)

So datoria si le daden?

• Deuteronomo 6:4-9; Proverbe 22:6

  Trebul te cheren tumenghe timpo te sicaven tumare șaven anda o Iehova. Începon te cheren cadaia încă de cana sile țâne hai aven răbdători, ajutindoi-le cadea te aven amala le Iehovaia.

• 1 Petru 5:8

  Sicaven tumare șiaven te ferin-pe catar le abuzuzuri sexualo hai de aver pericolea.

• Ieremia 30:11; Evrei 12:9-11

  Trebul te disciplinin tumare șiaven, tha niciechdata violento sau cana san holearici.

„Siave, așunen tumare dadendar.” (Efeseni 6:1)

Șiave sostar trebun te ascultin tumare dadendar?

• Proverbe 23:22-25; Coloseni 3:20

  Cana san ascultători, va avena te bucurin le Iehovas hai tumare daden.

• 1 Corinteni 15:33

  Alosaren amala anda codola cai iubin le Iehovas. Cadea va avela tumenghe mai ușoro te cheren so si mișto.