„O Șiav le manușesco avilo . . . te del peschi viața sar răscumpărarea anda butende.” (Matei 20:28)

Sostar trebul te avas răscumpărime?

• Geneza 3:17-19

  Pentru că ci mai ascultisardea le Devlestar, o Adam hasardea i prietenia specialo leia, i viața perfecto hai o paradiso ande savo trailas.

• Romani 5:12

  Andai cauza le Adamoschi, ame moștenisaras o păcato hai o merimos.

• Efeseni 1:7

  O Iehova cărdea posibilo i răscumpărarea cai te hastravel le manușen anda o păcato hai o merimos.

„O Del bișaldea pesche Șiaves unico-năștime cai ame te primisaras viața prin leste.” (1 Ioan 4:9)

Sar lea o Iehova măsuri cai te pochinel i răscumpărarea?

• Psalmo 49:7, 8

  Niciech anda amende ci daisardeas te pochinel o prețo de răscumpărare andai viața perfecto hasardi le Adamostar.

• Luca 1:35

  O Iehova bișaldea pi phuv pesche Șiaves but iubime, Isus, cai năștisailo sar manuș perfecto, bi păcatosco.

• Romani 3:23, 24; Evrei 9:24

  Pala soste sas jiuvindisardo, o Isus risailo ando cerii hai dea le Iehovasche i valoarea pesca viațache umano perfecto, dini sar răscumpărarea.

„Vo va chosela sea asfa anda lenghe iacha hai o merimos ci va mai avela.” (Revelația 21:4)

Ce miștimata anel amenghe i răscumpărarea?

• 1 Ioan 1:8, 9

  Amare păcatea daștin te aven iertime.

• Evrei 9:13, 14

  Daisaras te avel ame iech conștiința uji angla o Del.

• Romani 6:23

  Same speranța te traisaras veșnico.

• Galateni 2:​20

  I răscumpărarea zuriarel amaro pachiamos că o Iehova hai o Isus iubin ame ciaces.

„O Del . . . dea pesche Șiaves unico-năștime, ca oricon sicavel pachiamos ande leste . . . te aveles viața veșnico.” (Ioan 3:16)

Sar daisaras te sicavas că sam recunoscători andai răscumpărarea dini le Devlestar?

• Ioan 17:3

  Continuisar te prinjianes le Iehovas hai le Isusos hai imitisar-le.

• Luca 22:19

  Av prezento ande fiesavo bărș ca i Comemorarea le merimaschi le Cristososchi.

• Ioan 3:36; Iacov 2:26

  Nai destul te phenes că pachias ando Isus, vi trebul te cheres so sicadea ame vo.