„Le mule ci jianen chanci.” (Eclesiasto 9:5)

So întâmplol-pe amența cana meras?

• Psalmo 146:3, 4; Eclesiasto 9:6, 10

  Cana meras, ame ci mai dichas, ci mai așunas hai ci mai gândisaras.

• Ioan 11:11-14

  O Isus phendea că o merimos si sar i lindr.

„Tha anda o pomo le prinjianimasco le miștimasco hai le nasulimasco te na has, că, ande codo ghies cai va haia anda leste, va mereia.” (Geneza 2:17)

Sostar meras?

• Geneza 3:1-6

  O Satan hohadea la Eva anda so avelas te întâmplol-pe dacă uștiavelas i porunca le Devleschi. Cana ci ascultisarde le Iehovastar, o Adam hai i Eva păcătuisarde, hai, ji la urmă, mule.

• Geneza 3:19

  Cana o Adam mulea, chanci anda leste ci așilea jiuvindo.

• Romani 5:12

  O păcato si sar iech baro nasfalimos cai moștenisaras-les catar amare dada. Sea năștisaras ame păcătoși hai, anda codoia, meras.

• 1 Corinteni 15:26

  Andi Biblia, o merimos silo numime iech „dușmano”.

„Cana o zuralo murș merel, mai daștil vo te trail pale? Va ajucăroa . . . ji cai avela manghe i alinarea.” (Iov 14:14)

Sar eliberil ame de but idei greșime o prinjianimos le ciacimasco anda o merimos?

• 1 Ioan 4:8

  O sicaimos anda o chino le iadosco si iech jignirea andini le Iehovasche. Vo ci permitilas niciechdata ca le manușa te suferin ande cado modo.

• Revelația 4:11

  Pentru că daran le mulendar, but manușa închinin-pe cadalenghe, na le Iehovasche. Vo si o ciacio Del, hai ame trebul te închinisaras ame numai lesche.