„Te avel chio regato. Te cherdol-pe chi voia, cadea sar ando cerii, cadea i pi phuv.” (Matei 6:9-13)

So si o Regato le Devlesco?

• Revelația 11:15

  O Regato, sau o guverno, le Devlesco, va conducila anda o cerii pa sea i phuv.

• 1 Timotei 6:15

  O Isus si o Rege le Regatosco le Devlesco.

• Revelația 14:1, 4

  Ande iech than le Isusoia, 144 000 manușa va raina ando cerii sar regi.

• Evrei 4:15; 5:8

  O Isus hai le 144 000 hachiaren amare sentimentea hai amare probleme.

„Va judechila codolen cai sile iech condiția umilo [sau le ciorăn] ciacimaia.” (Isaia 11:4)

Sostar si o Isus o mai potrivime cai te avel Rege le Regatosco?

• 1 Timotei 6:16

  Sea-l conducători umani ji la urmă meren, tha o Isus ci va merela niciechdata. Sea-l buchia lașe cai vo va cherela-le anda amende va avena veșnico.

• Isaia 11:2-4

  O Isus daștil te cherel mai but miștimos sar orisavo conducătorii umano. Vo silo mai zuralo sar sea-l conducători umano ande iech than. Vo silo orta hai pherdo îndurarea.

„O Del le cerosco va vazdela iech regato cai ci va avela nimicime niciechdata.” (Daniel 2:44)

So cărdea deja o Regato? So va cherela ando viitorii?

• Revelația 12:7-12

  Pala soste o Isus sas cărdo Rege ande 1914, vo șiudea le Satanos anda o cerii pi phuv. Anda codoia, andi sea i lumea si but necazurea hai suferința.

• Eclesiasto 8:9; Revelația 16:16

  Co Armaghedono, o Regato le Devlesco va distrugila sea-l guvernea la lumeache, cai sile nasul hai neciace.

• Psalmo 37:10

  Le manușa cai continuin te cheren buchia nasul va avena distrugime.

• Revelația 22:1-3

  Cana o Regato le Devlesco va raila pa i phuv, chonic ci va mai avela nasfalo hai ci va mai merela. Sea-l manușa va respectina o anav le Devlesco.