Daștil-pe că na-i tuche sea o timpo ușoro te încăres ande chi goghi so sichilean. Tha si ușoro te anes tuche amintea le buchia cai sicadea-len o Isus anda codoia că vo butivar phendea ilustrări cai ajutin amen te cheras amenghe iech imaginea andi goghi. Daisaras te imaginisaras amenghe so phendea o Isus hai cadaia ajutil amen te încăras ande amari goghi so sicadea amen. Sa cadea, vi tu daștis te încăres mai but buchia ande chi goghi cana sichios hai cheres tuche iech imaginea ande goghi. Sar daștis te cheres cadaia? Te cheres desenea pi hârtia cana sichios.

Le manușa cai cheren desenea încăren mai mișto ande penghi goghi le buchia neve cai sichion-len. Cana cheren desenea sichion neve dumes, tha vi hachiaren mai mișto le sicaimata mai phare. Lenghe desenea sile simplo cărde. Cadaia ajutil but le manușen mai phure te sichion neve buchia.

Cana sichios anda o Iehova i data cai avel, daștis te desenis vareso pi hârtia anda so sichilean. Ci va avela tuche te pachias chichi de but buchia va avela te anes tuche amintea!