Angla te camas te beșas corcore le Iehovasa, daisaras te pușas amen: „So pachiav că va avela te sichioav?”. Daștil-pe că gândisaras amen de mai anglal so va avela te sichioas. Cu sea cadaia, trebul te gândisaras amen că si vi buchia neve cai o Iehova camel te sichioas-len. Sar daisaras te jianas so camel o Iehova te sicavel amen?

Mang tut anda goghiaverimos. Mang le Iehovas te ajutil tut te hachiares so camel vo te sichios acana. (Iac. 1:5) Na pachia tut numai andel buchia cai prinjianes len deja. (Prov. 3:5, 6)

Mech ca o Lil le Devlesco te cherel buchi ande chi viața. „O Cuvânto le Devlesco silo jiuvindo.” (Evr. 4:12) De fiesavi data cana citisaras i Biblia, voi daștil te sicavel amen vareso nevo hai te ajutil amen ande amari viața. Tha, cadaia întâmplol-pe numai cana camas te sichioas vi aver buchia anda so sicavel amen o Iehova.

Sicav pachiv caring sea so cherel o Iehova caște sicavel amen. Lesco haben spiritualo si sar ”iech bari meseli thule habenența.” (Is. 25:6) Ci nachen sigo prin le articolea cai fan tumenghe că ci va ciaiona tumen te sichion anda lende. Cadea, meches le Devles te cherel anda tute iech manuș mai lașio hai vi va ciaiola tuche te sichios corcoro andai Biblia!