But phrala folosin i JW Library^® caște pregătin-pe andal întruniri hai sile voime că daștin te arăsăn cadea de ușoro ca le articolea anda o studio anda O Turno de veghe. Tha andi ediția anda o studio anda O Turno de veghe arachen-pe butivar vi aver articolea cai zuriaren amaro pachiamos. Sar daisaras te arachas cadal articolea hai sar daisaras te țârdas miștimata anda lende cana folosisaras i JW Library?

• Co sfârșito fiesave articolosco anda o studio, si o titlo „Mai but articolea anda o citimos”, hai tela leste o link-o „Aver articolea anda cadai revista”. Jia po link-o hai citisar o cuprinso la revistaco, cai daștis te diches o titlo hai o număro fiesave articolosco anda o studio. Șiu o nai po titlo ieche articolosco cai ci cherel partea anda le articolea anda o studio hai citisar-les.

• Pi dintuni pagina anda i aplicația JW Library, ca i secțiunea „So si nevo”, dich cana apăril fiesavo număro anda O Turno de veghe hai descărchisar-les. Pâtăr i revista descărchime hai dich o cuprinso caște na hasares niciech articolo.