Cana citis iech cotor andai Biblia, daștis te rodes mai but sicaimata caște hachiares-les mai mișto. Cu sea cadala, trebul te încăres ande chi goghi că tu ci cheres cadaia numai caște bariares chio prinjianimos biblico, tha caște bariares chi iubirea anda o Iehova. Cadea că, rode cuci bara spiritualo anda sar silo vo ciaces. Sar exemplo, daștis te pușes-tu: „So sicavel manghe cado pasajo anda o Iehova?”.

Daștis te rodes mai but sicaimata anda sar sicavel o Iehova peschi iubirea, goghiaverimos, ortomos hai zuralimos. Tha le Iehovas siles mai but șucar calități. Cai daștis te mai araches sicaimata caște prinjianes vi mai mișto le Iehovas?

Dich i lista anda mai but sar 50 calităti le Iehovasche cai arachen-pe ando Indexo le publicațiengo Watch Tower, co titlo „Iehova”, o subtitlo „Calități, șiute andi ordinea alfabetico”. Rode te prinjianes mai but anda i calitatea le Iehovaschi cai sili sicadi ando cotor biblico cai citis-les. (Dacă si tut numai o Ghido de cercetare andal Martori le Iehovasche, rode sicaimata co subiecto „Iehova Del”, o subtitlo „Calități le Iehovasche”.)