Citisardean atento le palutne reviste Turno de veghe? Dichen dacă jianen o răspunso ca le pușimata cai aven:

So miștimata va avena amen dacă cheras amenghe timpo te das duma le Iehovaia, te așunas-les hai te meditosaras ca lesche calități?

Va avela te las decizii mai lașe, va avela te arăsas sicaitori mai lașe, va avela amen iech pachiamos mai zuralo hai amari iubirea anda o Iehova va bariola. (w22.01, p. 30, 31)

Sostar trebul acana mai but sar oricana te pachias-ame ando Iehova hai ande codola cai sile șiute angla amende?

Acana si o timpo cana trebul te pachias mai but sar oricana că o modo ande savo cherel o Iehova le buchia si o mai lașio, bi te șioas ca îndoiala i îndrumarea hai le decizii cai si amenghe dini le phurendar. Dacă cheras cadea, cana va avela o baro necazo va avela te așunas le îndrumări chiar cana ci va avela te hachiaras-le sau va fan-ame că sile dilivane. (w22.02, p. 4-6)

So sas ‘i dori anda plumbo cai încărel-la ando vast o Zorobabel’, anda savi o îngero dea duma le Zahariasche? (Zah. 4:8-10)

Cadai viziunea zuriardea le israelițen că o templo ca savo cherenas buchi avelas te avel vazdino, hai chiar cana falas-pe mai țâno, avelas te avel cărdo cadea sar camelas o Del. (w22.03, p. 16, 17)

Sar daisaras te avas „iech exemplo . . . cana das duma”? (1 Tim. 4:12)

Das duma lașimaia hai pachivales andi predicarea, ghilabas anda sea o ilo hai das răspunsuri ca fiesavi întrunirea, phenas o ciacimos hai das duma ande iech modo cai zuriarel averen, hai niciechdata na das duma nasul pala averengo dumo. (w22.04, p. 6-9)

Sostar i fiara anda Revelația 13:1, 2 si sar codola ștar fiare (regatea) sicade ando Daniel, capitolo 7?

I fiara andai Revelația 13 ci reprezentil iech corcoro regato, sar avelas i Roma, tha sea le zuralimata politico cai raisarde opral le manușa ji acana. (w22.05, p. 9)

Sar daisaras te sicavas că pachias-ame ando ortomos le Iehovasco?

Cana varecon duchadea amen zurales sau cărdea iech păcato contra amenghe, daisaras ciaces te duriaras anda amaro ilo i holi cana mechas le buchia andel vasta le Iehovasche. Vo va chosela sea le nasulimata cai andea-le o păcato. (w22.06, p. 10, 11)

So trebul te încărel andi goghi iech phral cai phenel o manglimos ca iech întrunirea?

O manglimos ci si vareso ande savo te arachen-pe sfaturi sau anunțuri. Anda codoia codo cai phenel iech manglimos ci trebul te folosil „but cuvintea”. (Mat. 6:7) (w22.07, p. 24, 25)

Sar te hachiaras le cuvintea: „codola cai cărde buchia nasul” va avena uștiade andal mule anda „iech jiuvindimos la crisaco”? (Ioan 5:29)

Von ci va avena judechime sau condamnime, pala sar phirade-pe andi viața cai sas-len mai anglal. Von va avena judechime pala o phiraimos hai i atitudinea cai va avela-len pala so va avena jiuvindime. (w22.09, p. 18)

So îndemno zuralo dea o phral Rutherford ca iech congreso anda septembria 1922?

Ca o congreso anda Cedar Point, Ohio (SUA), vo phendea: „Ita, o Rege rail! Tumen san codola cai cheren lesche reclama! Cadea că vestin, vestin, vestin o Rege hai lesco Regato!”. (w22.10, p. 3-5)

Cadea sar sicavel-pe ando Isaia, o capitolo 30, save si le trin buchia prin save o Del zuriarel-ame te jias mai dur?

Cado capitolo sicavel că vo: 1) așunel amare manglimata hai del-ame răspunso, 2) sicavel-ame so te cheras 3) del-ame miștimata aghies hai ando viitorii. (w22.11, p. 9)

Sostar daisaras te phenas că o Psalmo 37:10, 11, 29 pherdilea-pe andel puraimata hai că va pherela-pe vi ando viitorii?

Le Davidosche dumes sicaven ciaces le miștimata savendar bucurinas-pe le israeliți, sar exemplo cana railas o Solomon. O Isus dea duma anda iech șucar paradiso cai va avela ando viitorii hai phendea o citato anda o verseto 11. (Mat. 5:5; Luca 23:43) (w22.12, p. 8-10, 14).