Iech phei anda Noua Zeelandă dichlea o materialo video ‘Te las sama iech averestar’, cai sicavel-pe că o Iehova na numai simțosarel mila, tha vi sicavel-la. (Is. 63:7-9) Voi camlea te cherel so sichilea. Cadea că, ande iech ghies cana chinelas pesche haben, dichlea iecha jiuvlea ciori cai beșelas po droma hai phendea lache că camel te chinel lache vareso haben. Cana avilea parpale le habeneia, voi dea duma codola jiuvleaia anda o Del hai dea-la o plianto Va șiola-pe șăro vroiechdata la suferințache?.

I jiuvli astardea te rovel zurales. Voi phendea la pheiache că barilea ande iech familia Martorenghi, tha duriardea-pe le Iehovastar acana but bărșa. Tha, angla so te avel i phei, voi manglea-pe caște avel parpale Leste. I phei dea-la iech Biblia, hai i jiuvli camlea te astarel iech studio biblico. a

Vi amen daisaras te sicavas mila caring savore manușa, cadea sar o Iehova, indiferento că si duma anda amare neamuri sau amare phrala ando pachiamos. Daisaras te sicavas mila vi cana folosisaras-ame catar orisavi ocazia caște das duma averența anda o Del.