Amen anas închinarea le Iehovasche na numai cana sam chidine ande iech than ca le întruniri sau ca le congresea, tha vi corcore sau sar familia. Mai dur, va avela te dichas chichiva buchia cai daisaras te cheras-len cana sichioas corcore anda o Iehova sau ca i închinarea andi familia:

• Pregătin tumen andal întruniri la congregațiache. Daștinas vi te ghilaban le ghilea hai te ajutin fiesave jenes andai familia te pregătil iech răspunso.

• Citin iech relatarea andai Biblia. Pala codoia, desenin iech scena andai relatarea sau scriin tele iech sicaimos cai ajutil tumen.

• Dichen iech manglimos andai Biblia hai pala codoia den duma anda sar ajutil tumen te cheren tumare manglimata mai șucar.

• Dichen iech materialo video hai pala codoia den duma anda leste sau scriin chichiva sicaimata anda codo materialo.

• Pregătin tumen andai predicarea, hai cana daștil-pe cheren vi iech țâni demonstrația.

• Dichen i creația hai meditin late sau den duma anda so sicavel tumen anda o Iehova. a