Ciaiolas tut te țârdes mai but miștimata cana sichios andai Biblia? Cadal buchia daștin te ajutin tut te aves mai atento cana sichios anda o Lil le Devlesco:

• Alosar iech șucar than. Cana daștil-pe rode tuche iech than șucar cai si ujo hai lumina caște daștis te citis mișto. Daștis te beșes ca iech birouo ca iech meseli sau ande iech lașio than avri.

• Te araches iech than cai san corcoro. O Isus alosardea te del duma la Iehovasa ando manglimos „de teharin”, „ande iech than mai garado”. (Mar. 1:35) Cana na-i tut sar te aves corcoro, phen codolenghe savența beșes cana sichios andai Biblia hai mang-len te na așiaven tut ande codo timpo.

• Te na jial chi goghi ande aver than. Cana sichios pe iech telefono sau tableta, șiol-les te na bașel hai te na diches so bișialen tuche aver. (o modo avion) Cana sichios hai anes tuche amintea că trebul te cheres vareso scriisar tuche so trebul te cheres, hai cheres-la pala codoia. Cana chi goghi ci mai așel co studio, cher iech pauza caște phiraves tut sau te zinghiares tut chichiva minutea.