ANTU AMWING ITIYIJINING anch relijon amusala kwau kudi antu, akwau atongining anch Nzamb ukat kusadin relijon mulong wa kuyikwash antu amusejina piswimp. Chom ik utongina ey?

CHILONDINAY BIBIL

Kudi ‘relijon wishitwila ni wakad chitaj ukatinay Nzamb Tatukwetu’ (Jakobu 1:27) Relijon wishitwila ap udia wakin udiokiling kudiay Nzamb.

YOM IK YIKWAU TUKUTWISHA KWILEJIN MU BIBIL

• Mulong wa kumusangaresh Nzamb, relijon ufanyidin kwimen pa uyakin udia mu Bibil.​—Yohan 4:23, 24.

• Marelijon makata kwimen pa yitongijok ya antu madi ma makasu.​—Marko 7:7, 8.

CHOM IK UKUTWISH KULOND?

• Mwawiy

• Bwat

• Pamwing ap

CHILONDINAY BIBIL

“Tutalijanany muntu ni mukwau chakwel tukwashijanany kumekesh rukat ni kusal yisalijok yiwamp. Kangal twalikany chaku cha kukumangan pamwing.” (Hebereu 10:24, 25) Nzamb ukatin anch in kwimwifukwil end akumangana pamwing mudi chisak.

YOM IK YIKWAU TUKUTWISHA KWILEJIN MU BIBIL

• Antu akata kumwifukwil Nzamb yitiyij yau yifanyidin kwikal ya pamwing.​—1 Korint 1:10, 11.

• Antu adia mu relijon witiyinay Nzamb asadin chisak cha akadivar adiokila pa mangand mawonsu.​—1 Pita 2:17.