Mazu ma kusambish nich Chikunku cha 5
Angond aad kupwa kwa kwauk Karung Musuz, in Isarel ashika ku Mukandu wa Sinai. Kwinikwa, Yehova wasuka manswik nau in Isarel chakwel ikal muchid wend wa pakampwil. Wayikingang ni wayinkishang yom yawonsu yadingau nich kuswir mudi—mana mulong wa kudia, masun ma kudjal makad kuyipang, ni ndond yiwamp ya kushakam. Anch udi nvaj, mukwasha mwaney ijika mulong wak Yehova wayinkisha in Isarel Yijil, dizang, ni mudimu wa kupesh. Kasikeshin usey wa kuwanyish yom tulondina, kushal ikepishina, ni kwikal ashinshamena chisu chin chawonsu kudi Yehova.
MU CHIKUNKU CHINECH
Kushilamu kudi Yehova
In Isarel ashilamu pakampwil kudi Nzamb chisu chadingau ku Mukandu wa Sinai.
Kawanyishap Kushilamu Kwau
Patambulay Moses Yijil Dikum, antu asala chitil chijim.
Dizang Mulong wa Difukwil
Mu mwinkand wa pakampwil mwading mushet wa manswik.
In Kutentish Dikum ni Aad
Joshua ni Kaleb ading ashalijangen nau antu akwau dikum atentisha ngand Kaleb.
Amubwambwila Yehova
Kore, Datan, Abiram, ni akwau 250 akanganya kuwanyish yom ya usey piur pa Yehova.
Chimbur wa Balam Walonda
Chimbur wamana muntu wakanganyay Balam kuman.
